AFTER TEN (Closed)

最近鍾意去唔同嘅Cafe chill下，誤打誤撞之下嚟咗元朗位於大街既after ten cafe, 座位闊落又坐得舒服，而且入面嘅嘢食質素都唔錯。試左2種唔同既意粉：黑松露雜菌意粉和蒜香蝦蜆扁意粉。價錢方面分量多 夠大碟而且價錢合理。蒜香意粉落咗好多蒜去炒，蝦肉同蜆肉都好新鮮，色香味俱全。而黑松露亦都好Juice。飲品方面試咗Mojito同latte, 值得一讚係佢嘅latte好香濃夠滑，好值得推介，黎開元朗區嘅朋友仔可以嚟試吓。