薄荷葉泰國菜

Open Now

Now Closed

前排同朋友去咗元朗一間泰國菜食晚飯，估唔到嗰條街有咁多有情調嘅嘅餐廳。而呢度係一半戶外，一半室內，夜晚嚟確實幾chill。餐廳掛咗好多色彩斑斕嘅裝飾同吊燈，加埋泰國音樂，有一種去咗泰國酒吧嘅感覺。餐牌超多選擇真係揀到人選擇困難症。餐前小食嘅酸青瓜同蘿蔔清新又開胃。泰式豬頸肉好香口，加埋醬汁更惹味，推薦～ 呢度嘅咖喱仲可以揀雞件定係新鮮雞，我就揀咗新鮮雞，因為有雞皮同連骨嘅雞肉質一般都會彈牙。斑蘭咖喱超級大份好足料，食得出微微斑蘭味，最緊要嗌個煎餅，配咖喱一流，啲煎餅佢唔係就咁平擺，而係砌到成朵花咁，即刻靚咗🤣 椰子雞湯都有滿滿嘅泰式香料、菇同雞肉，生菜包酸辣恰當，可以不停咁食，結論係兩個女仔食到超級飽，呢度又係個好啱傾心事嘅地方。