Video
Read full review
2023-07-10
393 views
薄荷葉泰國菜 Mint Thai House 📍元朗安駿里2號怡康大廈地下12-13號舖呢日同朋友約好喺元朗圖書館對面嘅一間泰國菜食晚飯，因為落大雨嘅關係，所以我哋坐咗入室內，有冷氣嘆唔怕俾蚊咬。一坐低就見到內裏嘅裝修好有特色，掛喺牆上嘅裝飾同吊燈都好有泰國嘅風味。會揀呢間餐廳係因為見好多人介紹話佢好抵食，好大份，加上朋友啱啱去咗一轉泰國，無得去嘅我當然要佢帶我去食返啲泰國菜補數啦！ 💰$108泰式燒豬頸肉 🐖全餐入面我最欣賞嘅就係呢個泰式燒豬頸肉，除咗因為佢有一兜仔沙律伴碟之外，就係因為佢嘅豬頸肉表皮烤得好香脆，但咬落仍然彈牙有肉汁，唔會乾柴！單價嚟講有少少貴，但佢塊豬頸肉都好大塊，亦切到有10片以上，非常夠食。推薦大家點埋佢個特製醬汁，包你食過返尋味！ 💰$108冬蔭公湯 🍲我哋叫嘅呢個係細size嘅冬陰功湯，唔好睇佢個煲細細個啊，都𢳂到成6至7碗㗎！佢嘅酸味同辣味都好出，用料亦都非常足，入邊有四隻蝦，蝦肉新鮮唔會霉。佢仲有用大量嘅蔬菜去調味，所以飲嘅啖啖都係食材嘅鮮味同精華，呢個價錢嚟講真係好抵飲！ 💰$118什菜粉絲煲 🥬🍲一個非常抵食嘅什菜煲，裏面有芥蘭、椰菜花、蕃茄仔、西蘭
📍元朗安駿里2號怡康大廈地下12-13號舖
呢日同朋友約好喺元朗圖書館對面嘅一間泰國菜食晚飯，因為落大雨嘅關係，所以我哋坐咗入室內，有冷氣嘆唔怕俾蚊咬。一坐低就見到內裏嘅裝修好有特色，掛喺牆上嘅裝飾同吊燈都好有泰國嘅風味。會揀呢間餐廳係因為見好多人介紹話佢好抵食，好大份，加上朋友啱啱去咗一轉泰國，無得去嘅我當然要佢帶我去食返啲泰國菜補數啦！
[價錢 Price]
💰$108
泰式燒豬頸肉 🐖
全餐入面我最欣賞嘅就係呢個泰式燒豬頸肉，除咗因為佢有一兜仔沙律伴碟之外，就係因為佢嘅豬頸肉表皮烤得好香脆，但咬落仍然彈牙有肉汁，唔會乾柴！單價嚟講有少少貴，但佢塊豬頸肉都好大塊，亦切到有10片以上，非常夠食。推薦大家點埋佢個特製醬汁，包你食過返尋味！
[價錢 Price]
💰$108
冬蔭公湯 🍲
我哋叫嘅呢個係細size嘅冬陰功湯，唔好睇佢個煲細細個啊，都𢳂到成6至7碗㗎！佢嘅酸味同辣味都好出，用料亦都非常足，入邊有四隻蝦，蝦肉新鮮唔會霉。佢仲有用大量嘅蔬菜去調味，所以飲嘅啖啖都係食材嘅鮮味同精華，呢個價錢嚟講真係好抵飲！
[價錢 Price]
💰$118
什菜粉絲煲 🥬🍲
一個非常抵食嘅什菜煲，裏面有芥蘭、椰菜花、蕃茄仔、西蘭花、紅蘿蔔等等嘅蔬菜，亦有大量索晒汁嘅粉絲，用一個熱辣辣嘅煲仔上菜，咋咋聲咁食真係正到爆！雖然佢唔似一般嘅泰式炒菜咁鹹香咁有鑊氣，但係呢個粉絲煲又飽肚又健康，無論好似我哋兩個人食，定係一班人或一家人一齊食份量都好夠，可以開心share ！
[價錢 Price]
💰$138
廚師特色蝦醬炒飯 🍚
最後介紹嘅就係呢一個廚師特色蝦醬炒飯，淨係睇個造型都夠晒架勢啦！除咗一串三隻嘅大蝦之外，最特別嘅一定係圍邊嘅魔鬼魚乾！睇個樣仲以為係炸洋蔥之類，但原來係魔鬼魚乾嚟㗎，口感食落有啲硬同埋味帶鹹香，配埋炒得乾身嘅炒飯一齊食，非常有泰式嘅風味！廚師真係好有功架，可以將一塊薄薄嘅蛋皮煎得咁靚，用嚟包住熱辣辣嘅炒飯。炒飯入邊有一啲好濃味嘅肉粒，整個飯嘅份量都好大份，多到我哋兩個都食唔晒。不過要留意嘅就係個飯味道都偏重，如果係重口味嘅人呢就建議可以一試啦，你哋一定會鍾意！
Post
