Video
Read full review
2018-01-30
1313 views
住元朗成日經過西菁街，每次都想去Mr. Right食吓西餐，因為喺外面睇覺得個格局非常有情調，我諗兩個人去食個晚餐應該會幾浪漫。今日終於有機會試試浪漫一番，Book定檯準時8Pm到。入到Mr. Right，Waitress已經好快行到門口招呼，跟住安排入坐。坐底後望望餐廳周圍，如我所料真係幾有情調，跟住飲啖水再睇睇Menu。Waitress介紹個2人餐俾我哋，我見大概都係七百蚊，咁就決定Order2人餐啦！頭盤係迷你海鮮盤（新鮮生蠔2隻、凍熟蝦4隻、翡翠螺4隻）+煙燻三文魚凱撒沙律。坐咗大概5分鐘海鮮盤到，第一樣先試試生蠔，加少少檸檬汁再放入口，好重海水味而且好新鮮；接住翡翠螺，煙煙靭靭口感一流；凍熟蝦要剝殼所以最後食，啲蝦同樣非常新鮮，因個人口味我都落咗少少檸檬汁，我覺得咁食更能夠帶出蝦嘅鮮味。喺食最後一隻蝦嘅同時，凱撒沙律上場，一望見嗰3件煙三文魚，心諗有冇咁大卷呀！試試啲生菜先，微酸嘅Dressing真係令人更好開胃，跟住把生菜連埋麵包粒叉住一齊食，兩種唔同種類嘅脆夾埋一齊個感覺真係好奇妙，吸引到我想即刻再整多啖。三文魚都好肥美而且攤平後都好長，微微嘅煙燻味聞落好香，放入口仲香，
頭盤係迷你海鮮盤（新鮮生蠔2隻、凍熟蝦4隻、翡翠螺4隻）+煙燻三文魚凱撒沙律。坐咗大概5分鐘海鮮盤到，第一樣先試試生蠔，加少少檸檬汁再放入口，好重海水味而且好新鮮；接住翡翠螺，煙煙靭靭口感一流；凍熟蝦要剝殼所以最後食，啲蝦同樣非常新鮮，因個人口味我都落咗少少檸檬汁，我覺得咁食更能夠帶出蝦嘅鮮味。喺食最後一隻蝦嘅同時，凱撒沙律上場，一望見嗰3件煙三文魚，心諗有冇咁大卷呀！試試啲生菜先，微酸嘅Dressing真係令人更好開胃，跟住把生菜連埋麵包粒叉住一齊食，兩種唔同種類嘅脆夾埋一齊個感覺真係好奇妙，吸引到我想即刻再整多啖。三文魚都好肥美而且攤平後都好長，微微嘅煙燻味聞落好香，放入口仲香，所以我貪心地食咗兩片。
接住干邑龍蝦湯一到，濃濃嘅龍蝦味湧上來，急不及待要飲一啖，個湯濃味而好Creamy。飲飲吓我期待嘅香煎法式鵝肝又到啦，冇諗過咁厚喎，鵝肝上面有塊蘋果而底部有塊麵包，切開去三樣一齊再點埋佢哋嘅紅酒鳳梨醋，真係好好食。鵝肝個面煎得好脆，煮過嘅蘋果好入味，而且個鳳梨醋亦都教得好。
最後兩個主菜上場，分別叫咗”扒大蝦海鮮海膽忌廉汁配墨魚意粉”及”烤美國安格斯肉眼扒配露絲瑪莉汁”，兩個都外觀一流。先講個意粉，隻大蝦開邊燒，食落口感都好好，另外喺墨魚意粉上啲海膽亦非常新鮮。意粉覆蓋著濃濃墨魚味，連埋忌廉汁可算是唔錯嘅配搭。肉眼扒Order咗5成熟，塊扒Grill得恰到好處，而且肥瘦均勻，點一點佢哋個露絲瑪莉汁，微微酸更帶出肉眼嘅精髓，10oz原來份量都唔少。
最後甜品我哋叫咗”心太軟配雪糕”及”雜果雪葩配熱情果泡沫”，個心太軟真係好流心，用匙羹打開後濃濃嘅朱古力流出，朱古力甜度適中，再配埋雲呢拿雪糕加埋伴碟嘅木糠，口感交集。而雪葩亦是一個正確選擇，先試試啲泡沬，非常重熱情果味，底部有雜果而中間係芒果雪葩。雪葩味道濃厚，唔似一般嗰啲淡而無味，而且份量適中。最後二人餐亦包兩杯飲品，我哋叫咗熱檸茶同凍咖啡。
我發覺啲Staff係有留意客人，因爲每當差唔多食完一個Dish而下個就會自動上，加上Waitress們亦招呼得好好，非常之有禮貌。食物方面唔在講，整個Set無論味道與份量都無得彈。總括嚟講七百幾蚊有咁嘅質素同服務真係抵食之至~
迷你海鮮盤
8 views
0 likes
0 comments
煙三文魚凱撒沙律
3 views
0 likes
0 comments
干邑龍蝦湯
8 views
0 likes
0 comments
餐包
2 views
0 likes
0 comments
香煎法式鵝肝多士配紅酒鳳梨醋
3 views
0 likes
0 comments
香煎法式鵝肝多士配紅酒鳳梨醋
6 views
0 likes
0 comments
扒大蝦海鮮海膽忌廉汁配墨魚意粉
5 views
0 likes
0 comments
烤美國安格斯肉眼扒配露絲瑪莉汁
5 views
0 likes
0 comments
2 views
0 likes
0 comments
烤美國安格斯肉眼扒配露絲瑪莉汁
10 views
0 likes
0 comments
雜果雪葩配熱情果泡沫
7 views
0 likes
0 comments
心太軟配雪糕
5 views
0 likes
0 comments
熱檸茶
3 views
0 likes
0 comments
凍咖啡
4 views
0 likes
0 comments
Post
