緣聚西日餐廳 (西裕街) (Closed)

之前食放題都是去旺角或者尖沙咀地方。估唔到元朗都有有質素的放題。每個星期都會同媽媽去元朗食一次飯，今次就揀左呢間放題食。一嚟梗係叫刺身先啦！驚喜係有劍魚腩刺身，中拖羅！所有都好新鮮，帶子象拔蚌好甜。真心好好味！食咁多凍嘢就當然試吓蟹粥暖下個胃！嘩 媽媽都讚蟹好食！粥有味 仲有啲蟹子喺上面⋯跟住又點左最鍾意食嘅芝麻雞翼，好食到我叫咗兩次仲有芝士焗蠔都encore左係清酒煮蜆冇咩酒味，但係蜆都幾大隻 好滑。其實唔算係好多好多選擇，但係呢個價錢同埋呢個質素就好抵！！我寧願咁臨走見到有冰糖燕窩（好似）好好食見到其他人都有食蟹同埋打邊爐，下次可以試吓