新沙洞大排檔 (好順景大廈1座) (Closed)

韓國睇得多😍今日去元朗尋找下韓國嘅味道！雖然餐廳叫「大排檔」，但裝修一啲都唔大排檔，四周掛滿霓虹燈，Y2K風七彩繽紛，好鬼有型！食物方面主打石板燒，一人一個爐仔，上枱熱辣辣，好有儀式感！🐷鐵板燒濟州黑毛豬$188鐵板燒黑毛豬係其中一個招牌，果然名不虛傳，明火預熱之後，可以按喜好自己調節火候同埋香脆度，建議食嘅時候一定要點啲醬汁，甜甜哋好夾！🐟 韓式鐵板燒鰻魚 $198見過鐵板黑毛豬咁好食，即刻再叫多一個燒鰻！鰻魚好新鮮，燒到香脆即刻食，外脆內軟正！🎣#海鮮蔥煎餅 $108、🥬泡菜煎餅 $108聽店員講海鮮蔥煎餅係用舊嘅方法嚟煮嘅，而泡菜煎餅就係用新方法嚟煎，食得出口感好大分別！泡菜煎餅食落係比較薄同埋鬆軟，海鮮蔥煎餅就係比較硬同埋厚嘅，兩款煎餅各有各嘅特色，兩款都好香口！🦀醬油蟹膏蟹肉拌飯$128😋而家做緊優惠，預先book枱食醬油蟹平咗足足$100！雖然我哋冇食到醬油蟹，但係都嗌咗個醬油拌蟹飯，蟹肉鮮甜，而且份量好多，我哋兩個人share一碗都食唔晒呢！