麺屋こころ

Open Now

Now Closed

近期愛上食呢間人氣撈麵，除咗足料之外味道都吾錯，就連上次試埋嘢飲都性價比幾高，今日同朋友行元朗，順便又食撈麵。今次點咗幾款撈麵食。分別係原味撈麵、鹽味撈麵同明太子忌廉撈麵。呢度啲撈麵主要都係以肉碎、紫菜、蛋黃、同一啲配料同醬汁製作而成。當你以為原味撈麵味道會比較淡，但原來唔係，因為啲配料同醬汁都幾多，有大量嘅蔥蒜頭同魚粉撈埋一齊食之後其實都好夠味。不過胃口細嘅朋友可能就覺得唔夠飽。鹽味撈麵係日本店嘅原始口味之一，可以食到三重口味，撈埋之後先食到濃烈嘅鰹魚鹹香及芝麻油味，之後可以加入黑胡椒食，最後可以加入自家昆布醋，甘就可以享受3重口感了。最後點咗個人氣之選：明太子忌廉撈麵，真係沒有令我失望，明太子的鹹香配上忌廉，個味道真係好夾，忍唔住食完一啖又一啖。最後點少得我最愛嘅抹茶 latte，淡淡嘅抹茶味，甜度剛好，唔會太甜。