八一蕃巴蜀烤魚店 (砵蘭街) (Closed)

太子呢頭都有唔少烤魚雞煲專門店，今次推介呢間傳統本地小店，但一到七點竟然如此旺場。雖然裝修唔係華麗但勝在真係價錢經濟實惠，又有質素保證。老闆份人都好健談，因為我哋唔鍾意食好多骨嘅魚。老闆推介我哋叫鉗魚，話呢條比較多肉冇骨，食起來更加嫩滑新鮮，佢仲介紹我哋要點香辣味烤魚，餐廳主打，果然冇介紹錯。一上碟成條魚大大條食起嚟更加啖啖肉，不用吐骨好盡興，叫咗小辣味道，剛剛好食起嚟有辣椒嘅香味。烤魚仲有唔少配菜鍾意食大豆芽芫荽嘅人啱晒。我哋仲叫咗個手拍青瓜，解一解辣，好清新酸甜開胃，餐廳仲有唔少自家製飲品，點咗雪梨蘋果茶，清熱潤喉。仲見到在場唔少人都有點雞煲，下次再食過。鍾意地道烤魚嘅人，千祈唔好錯過。