味十味 (Closed)

一間有日本風情的家庭式日本餐館，地方都算大，一邊有吧枱位，其餘地方以四至六人枱為主，一入到餐館已見到不少日本人客戶，連老闆同店員都是日本人，幸好有一位年青店員懂得英文為我們落單。一坐低就放下枝豆作前菜，好清甜。先叫招牌串燒，明太子醬燒豬肉丸$49和芝士燒豬肉丸$42，豬肉丸內有蒟蒻，感覺冇咁有罪惡感，而且冇咁膩，再叫了雞肉釜飯$116，上枱時有木蓋蓋住，建議焗耐啲，飯質稔啲更好食，雞肉味加埋甘荀，非常鮮甜，還有冬菇粒，更香。