點鍋

Open Now

Now Closed

平日去咗兆萬食呢間，唔使排隊就有得入去 本身諗住都係普普通通打邊爐料，所以就是但咩都嗌咗啲嚟試吓。 肥牛同埋羊肉都唔差，最出色一定係牛丸、湯圓、炸枝竹。牛丸非常之多汁食落去好Juicy，而湯圓應該係我咁大個人食過最好食嘅，呢兩樣嘢下次去都一定會encore。至於炸枝竹響鈴嗰啲全部都係即刻炸上到枱都仲脆嘅。 仲送一個人頭份量嘅海鮮拼盤，有鮑魚，帆立貝同埋蝦。鮑魚非常好食。 食到一半嗰陣發覺上菜好似有啲慢，點知原來係個朋友唔記得撳落單制，一落返單啲嘢就即刻上返晒嚟，菜嗰啲都算多選擇嘅，油麥菜啊，菠菜嗰啲都有。總括嚟講呢間嘢都幾抵食，算係兆萬入邊嘅清泉，平日仲有八折，所以一定會嚟再encore。