光榮冰室 (鴻威大厦)

Open Now

Now Closed

晨早流流要去旺角見客，咁緊係要去附近嘅茶仔食個早餐先有力同個客吹水。要搵間好食嘅茶仔唔易，好彩近排旺角開左光榮分店，我先食得開心，課得開心。牛奶炒滑蛋。食到一半先影sorly。個蛋都好大份，我用左少少蛋自製蛋治。個蛋都炒得夠滑，有少少奶味，無乜鞋位，炒得好好味。個麵係一丁面，對比附近茶餐廳用啲平面，呢個面真係贏晒。出前一丁唔係乜高尚野，但至少好過大部份即食面。而啲沙爹牛都好夠沙爹醬，好濃味。牛肉唔鞋口，但又唔會煮到霉晒，唔係神級，但都贏晒附近茶仔啦。至於杯奶茶就普通野。整體好好食，最緊要成個場都同聲同氣，食得好開心。