Video
Read full review
2022-06-25
5153 views
大前日訂位，今日試食。如果而家先至訂位嘅話，大可能只得返平日先至有位，時間方面只有中午至到下午茶時間。過嚟呢度食嘢，主要因為貪佢價錢唔算係好貴，叫做俾得起少少錢，試下五星級嘅環境及服務。首先要講個環境，真係好大好靚。不過你未入到門口，喺出面等準備入座嘅時候，已經聽到好嘈。簡直好似去咗茶餐廳咁！冇辦法啦！香港人嘅特色，講嘢個個大大聲。。。餐廳區域分得好大，咖啡區/酒吧區/甜品區/薄餅區/凍肉區。由於戶外都有餐枱，所以大家都可以隨便進進出出，隨時入嚟買件餅買杯雪糕，或者買杯咖啡買杯酒。好causal㗎！ 咖啡區有好多麵包睇落都好吸引，但係價錢都幾貴由$60至$120，牛角包個樣脹卜卜好靚呀，但係眼見周圍都冇乜人食呢區嘅嘢。呢區最吸引我眼球嘅係名字叫『Maritozzl』望到啲奶油好滑。我好想食呀，但係表姐控制住我叫我唔好食呢啲。薄餅區個陣營都有好多款，睇個樣好靚。平時唔多人唔可以叫薄餅食，而家兩個人都可以叫一件。首先近甜品區門口有個賣意大利雪糕嘅位置，有兩個流水式嘅水喉，係咁不停流啲朱古力出嚟好鬼吸引呀！價錢又唔係好貴
過嚟呢度食嘢，主要因為貪佢價錢唔算係好貴，叫做俾得起少少錢，試下五星級嘅環境及服務。

首先要講個環境，真係好大好靚。不過你未入到門口，喺出面等準備入座嘅時候，已經聽到好嘈。簡直好似去咗茶餐廳咁！冇辦法啦！香港人嘅特色，講嘢個個大大聲。。。
餐廳區域分得好大，咖啡區/酒吧區/甜品區/薄餅區/凍肉區。由於戶外都有餐枱，所以大家都可以隨便進進出出，隨時入嚟買件餅買杯雪糕，或者買杯咖啡買杯酒。好causal㗎！
咖啡區有好多麵包睇落都好吸引，但係價錢都幾貴由$60至$120，牛角包個樣脹卜卜好靚呀，但係眼見周圍都冇乜人食呢區嘅嘢。呢區最吸引我眼球嘅係名字叫『Maritozzl』望到啲奶油好滑。我好想食呀，但係表姐控制住我叫我唔好食呢啲。
薄餅區個陣營都有好多款，睇個樣好靚。平時唔多人唔可以叫薄餅食，而家兩個人都可以叫一件。
首先近甜品區門口有個賣意大利雪糕嘅位置，有兩個流水式嘅水喉，係咁不停流啲朱古力出嚟好鬼吸引呀！價錢又唔係好貴咋喎，同G字H字，嗰兩隻牌子差唔多咋。
最重要嘅就係甜品區啦，嗰張枱長到呢要轉彎。另外一邊係放咗Tiramisu，同幾件唔知咩名嘅甜品。但全部都冇寫價錢，又見唔到有人喺度，所以我都唔知道幾多錢。
好喇！講返個好長嘅甜品陣，呢個甜品陣其中獨立有四款甜品，係要另外單點$55/件。其餘細件少少，迷你裝嘅甜品都係$110/4件。聽落係咪好抵呢！
今日柯打：
Hot Latte $58- Ice Coffee $45-
▪️咖啡正正常常好飲嘅
Tomato Risotto Rice Balls $85-
▪️第一次食用咁嘅方法整幾特別，入邊有芝士溶溶地有拉絲，一定要熱食。如果可以加多啲羅勒葉係入面，再有啲蕃茄醬喺側邊一齊食，會更加好味！
Diavola Pizza $88-
▪️ 每塊🍕大約A5 size，可切4小件，脆卜卜。但係冇得同Woodfire Pizza比較，因為用炭火燒出嚟嘅薄餅一定係最好食！
Salt & Rosemary Rotisserie Chicken with Potato’s $220-
▪️半隻雞收費要$220真係唔平㗎，不過唔好話喎，雞肉真係好滑溜，嫌雞胸好柴唔食雞胸嘅我同表姐都食晒。個配菜嘅幾粒薯仔都煮得好好食，好重香草嘅，但味道確實係鹹咗少少嘅！
Pistachio Puff/Sicilian Cannoli/Hazelnut Cannoli/Chocolate Hazelnut Tartelette $110/4pcs
▪️呢個唔使講啦，四件都唔好食。好普通好普通好普通！我估本身呢度嘅甜品都唔係叫話特別出色，所以大家唔好浪費錢喇！
Post
