Video
Read full review
2013-01-09
343 views
記得差唔多十五年前有一次跟d長輩入大澳行既時候,係搵靚鹹魚途中發現此無名小店, 小小的一顆白色糯米磁, 一食之下卻驚為天人!!自此每次入大澳一落車都一定會9秒9向郵局方向行入去搵美食. 呢間小食店無"四正"既門面, 唔知訂既人都真係幾容易行過左,認住小店門口的木柴就唔會錯!同埋有一位超熟手既伯伯 (**佢就係傳說中的茶果財) 係入面係咁搓搓搓最緊要記得食佢親手製作既花生椰絲饀糯米磁! 出面真係好難搵到咁有口感, 而且饀料同皮既9:1比例岩岩好,食落唔會覺"痴牙", 簿一簿既糯米皮軟得黎又有彈性.平時紅豆饀既糯米磁就食得多, 花生椰絲既糯米磁確係比較少做得好又唔會太過甜.伯伯都已經好大年紀, 希望有接班人可以將佢呢門手藝延續落去!佢其實好講得笑, 仲記得細個既時候入去食, 當時仲未有咁多遊客, 有一次伯伯仲教小弟親手整糯米磁只係叫我唔好係佢隔離開鋪搶生意就得LOL其實"茶果"同"糯米磁"都好代表到香港既傳統特色, 真心希望呢d咁正既傳統小食唔會係我地呢一代消失...P.S. 如無意外小弟農曆新年前會再入去多轉, 今日食緊茶果既時候收到風介時有另一樣好野食, 到時再報導!
係搵靚鹹魚途中發現此無名小店,
小小的一顆白色糯米磁, 一食之下卻驚為天人!!
自此每次入大澳一落車都一定會9秒9向郵局方向行入去搵美食.
呢間小食店無"四正"既門面, 唔知訂既人都真係幾容易行過左,
認住小店門口的木柴就唔會錯!
同埋有一位超熟手既伯伯 (**佢就係傳說中的茶果財) 係入面係咁搓搓搓
最緊要記得食佢親手製作既花生椰絲饀糯米磁! 出面真係好難搵到咁有口感, 而且饀料同皮既9:1比例岩岩好,
食落唔會覺"痴牙", 簿一簿既糯米皮軟得黎又有彈性.
平時紅豆饀既糯米磁就食得多, 花生椰絲既糯米磁確係比較少做得好又唔會太過甜.
伯伯都已經好大年紀, 希望有接班人可以將佢呢門手藝延續落去!
佢其實好講得笑, 仲記得細個既時候入去食,
當時仲未有咁多遊客, 有一次伯伯仲教小弟親手整糯米磁
只係叫我唔好係佢隔離開鋪搶生意就得LOL
其實"茶果"同"糯米磁"都好代表到香港既傳統特色, 真心希望呢d咁正既傳統小食唔會係我地呢一代消失...
P.S. 如無意外小弟農曆新年前會再入去多轉, 今日食緊茶果既時候收到風介時有另一樣好野食, 到時再報導!
Post
