Video
Read full review
2024-07-14
604 views
午市全單六六折！晚市都有全單八八折，有朋友係嘴刁之人，食過推介呢間鐵板超，晏晝抵咁多，難得平日放假嚟食。環境超大間，每個鐵板位都係獨立隔超，私隱度幾高，比我感覺好適合啲商務客宴，一間間包房咁。餐牌有單點有套餐，都有六六折，揀咗中位價套餐Q。 套餐Q $1988(二人前) 包括：大海蝦、法國鵝肝/銀鱈魚/帆立貝/聖子皇(4選2)、日本A4和牛厚燒或薄燒/澳洲羊架/日本豚（4選1)、蝦乾蟹子炒飯或稻庭湯烏冬、沙律、前菜、季節野菜及炒雜菜、海鮮湯及甜品 沙律、前菜選好餐無耐就會上沙律、前菜、季節野菜，是日前菜及季節野菜係合桃小魚乾芥末八爪魚。 大海蝦 真係超大隻，長度有龍蝦咁大隻😳 師傳三兩下手勢就將佢拆殼，開背處理污糟物，會煎至微焦口感，肉質相對上會過咗少少火，但夠新鮮所以仍然保掛彈性，再附少許蝦膏。師傅仲會唔浪費個蝦頭，燒埋比你食！ 法國鵝肝/銀鱈魚/帆立貝/聖子皇(4選2)由於是日聖子皇缺貨，我地揀咗法國鵝肝及帆立貝，鵝肝一咬落去就溢出油脂，入口即化，配上多士及甜醋降膩，食完再食返舊菠蘿清清口腔再食下一樣。帆立貝兩面煎到微焦，入面保持半生熟，最後再用牛油焯焯兩面更香，佐以海帶湯清新
環境
超大間，每個鐵板位都係獨立隔超，私隱度幾高，比我感覺好適合啲商務客宴，一間間包房咁。
餐牌
有單點有套餐，都有六六折，揀咗中位價套餐Q。
套餐Q $1988(二人前)
包括：大海蝦、法國鵝肝/銀鱈魚/帆立貝/聖子皇(4選2)、日本A4和牛厚燒或薄燒/澳洲羊架/日本豚（4選1)、蝦乾蟹子炒飯或稻庭湯烏冬、沙律、前菜、季節野菜及炒雜菜、海鮮湯及甜品
沙律、前菜
選好餐無耐就會上沙律、前菜、季節野菜，是日前菜及季節野菜係合桃小魚乾芥末八爪魚。
大海蝦
大海蝦
27 views
0 likes
0 comments
真係超大隻，長度有龍蝦咁大隻😳 師傳三兩下手勢就將佢拆殼，開背處理污糟物，會煎至微焦口感，肉質相對上會過咗少少火，但夠新鮮所以仍然保掛彈性，再附少許蝦膏。師傅仲會唔浪費個蝦頭，燒埋比你食！法國鵝肝/銀鱈魚/帆立貝/聖子皇(4選2)
法國鵝肝
19 views
0 likes
0 comments
帆立貝
48 views
0 likes
0 comments
由於是日聖子皇缺貨，我地揀咗法國鵝肝及帆立貝，鵝肝一咬落去就溢出油脂，入口即化，配上多士及甜醋降膩，食完再食返舊菠蘿清清口腔再食下一樣。帆立貝兩面煎到微焦，入面保持半生熟，最後再用牛油焯焯兩面更香，佐以海帶湯清新一啲。
日本A4和牛厚燒
日本A4和牛厚燒
17 views
0 likes
0 comments
揀咗厚燒有口感啲！五成熟，火喉都控制得好，唔算太多油脂，口感實在。
蝦乾蟹子炒飯或稻庭湯烏冬 及 季節野菜及炒雜菜
蝦乾蟹子炒飯
65 views
1 likes
0 comments
蝦乾蟹子炒飯及炒野菜
1 views
0 likes
0 comments
蟹子好似配炒飯會正啲（雖然我好想食烏冬🤣），果然無揀錯，因為用鐵板炒確係做到乾身好多！用雞蛋炒香，再加上落勁多蒽，加色再炒，好食😋 炒雜菜就落多咗少少醬油有啲偏鹹。
海鮮湯及甜品
最後飲埋個海鮮湯及甜品雪糕，完！
同場加映花絮！
超可愛鐵板繪畫
15 views
0 likes
0 comments
Post
