Video
Read full review
2010-08-31
81 views
上星期師傅約左封筆食家"今餐食乜好", 大粒墨同埋師妹一齊睇畫劇, 地點係位於樂富同九龍城交界, 當睇完畫劇後時間已經接近晚上十一點, 由於大家都未食晚飯, 所以鬼死咁肚餓; 師傅就問下封筆食家"今餐食乜好"有咩好介紹, 而封筆食家"今餐食乜好"就提議呢間食店, 由於師傅從未試過所以當然唔會拒絕啦, 而大粒墨同埋師妹一向都係順德人, 所以喺冇反對嘅情況下決定去馬!由於都幾夜, 所以去到都唔需要等位! 坐底後當然要睇下有咩好食啦, 最後決定一人揀一個餸啦; 當行緊去食店時封筆食家"今餐食乜好"已經不斷話呢間食店嘅乳豬好好味, 所以招牌乳豬好明顯比佢揀左啦; 而師傅見到呢道菜個名咁得意, 於是亦決定柯打, 而個名堂就係熱沙律蝦球, 至於大粒墨就揀左蜜椒會鱔球, 師妹份人就懶得可憐, 揀都唔揀, 最後還是由封筆食家"今餐食乜好"繼續揸旗, 再揀多兩個餸, 分別係啫啫芥蘭煲同海皇豆腐羹!冇幾耐搶閘登場嘅係招牌乳豬, 廢話少講即刻開餐; 乳豬皮真的燒得好脆, 又香又脆, 入口卜卜聲, 勁正, 而肉身鬆軟但略肥, 不過又絕對影響唔到個質素, 封筆食家"今餐食乜好"果然冇介紹錯; 再黎試下海皇豆腐羹
由於都幾夜, 所以去到都唔需要等位! 坐底後當然要睇下有咩好食啦, 最後決定一人揀一個餸啦; 當行緊去食店時封筆食家"今餐食乜好"已經不斷話呢間食店嘅乳豬好好味, 所以招牌乳豬好明顯比佢揀左啦; 而師傅見到呢道菜個名咁得意, 於是亦決定柯打, 而個名堂就係熱沙律蝦球, 至於大粒墨就揀左蜜椒會鱔球, 師妹份人就懶得可憐, 揀都唔揀, 最後還是由封筆食家"今餐食乜好"繼續揸旗, 再揀多兩個餸, 分別係啫啫芥蘭煲同海皇豆腐羹!
冇幾耐搶閘登場嘅係招牌乳豬, 廢話少講即刻開餐; 乳豬皮真的燒得好脆, 又香又脆, 入口卜卜聲, 勁正, 而肉身鬆軟但略肥, 不過又絕對影響唔到個質素, 封筆食家"今餐食乜好"果然冇介紹錯; 再黎試下海皇豆腐羹, 海皇豆腐羹嘅豆腐好滑, 又海皇師傅就淨係食到蝦仁, 不過就真係好多蝦仁, 而且十分爽口, 感覺十分新鮮, 而羹底唔會太杰, 整體雹合得唔錯喎; 啫啫芥蘭煲嘅嘅蝦醬味道十分香, 非常惹味, 入口味道唔會太咸, 配合埋芥蘭唔出水, 夠乾身加上芥蘭十分嫩綠, 入口唔硬不過味道帶少少苦, 都可以, 呢幾款由封筆食家"今餐食乜好"介紹的都甚有水準!
至於師傅揀嘅熱沙律蝦球亦比較特別, 熱沙律蝦球固名思義啲沙律醬係熱的, 而沙律醬嘅味道不太濃亦不太酸, 味道適中討好, 師傅覺得係開胃之選, 而且蝦球都幾大隻, 入口爽口冇雪味, 整體而言絕對收貨; 由大粒墨就揀左蜜椒會鱔球亦係一道令人驚喜嘅菜式, 蜜椒嘅汁底微微的甜, 但絕不過份, 而鱔球又冇骨又唔腥, 淨係入口呢一下已經要讚啦, 再配合蜜椒汁嘅甜, 令師傅食得非常舒服呀, 呢道菜紀對係必食之選!
食到咁上下好似唔多夠, 決定加單, 由於懶得再諗, 索性問下侍應有咩推介, 而佢就介絕左黑椒腰果炒肥牛, 落完單唔使等好耐就有得食; 黑椒腰果炒肥牛嘅黑椒味唔香, 莫講話辣啦, 而另一主角腰果就好腍口, 唔正; 另一主角係肥牛, 但出左黎感覺係似牛柳得d, 唔知係冇肥牛定本身個名叫牛柳呢? 呢隻牛都幾算鬆身, 而伴碟炒嘅西芹亦十分爽口, 整體而言係可以, 但對師傅黎講呢道菜嘅欣賞價值就甚少!
總括黎講食物水準十分討好, 服務態度亦令人滿意, 環境舒服加上人少, 可以比較夜所以冇咩人啦, 價錢亦大眾化, 食左六個餸加埋白飯汽水咁都係每人百三蚊到, 師傅覺得幾抵食喎! 是次飯局封筆食家"今餐食乜好"果然冇介紹錯, 真真正正嘅城寨風味係點師傅就當然唔知啦, 不過好肯定呢間食店係有自己嘅風味, 更可能係全新嘅城寨風味; 笑臉係絕對值得一比, 有機會師傅一定會再黎!
Post
