Video
Read full review
2020-03-05
1569 views
每年年頭都會去呢道食齋唔係宗教問題 係細細個就已經有既習慣只係今年既狀況 一齊食既人就愈黎愈少肺炎橫行 其實都避開左農曆年頭 最旺既正月坐到入去 唔影食客啦但就冇左以往搭枱既情況店員都盡量將食客隔開啲枱黎坐其實我已經係兩點幾入座 但疏落既枱都有幾十個客因為以往都好多人一齊黎都係叫個多人套餐再散叫今次係我第一次做落單既傻下傻下就叫左個2人餐。。。一百六十蚊本身想加碟齋 但話已經賣哂 (｡ ́︿ ̀｡)咁唔緊要啦 其實兩個人三個餸係絕對食唔哂咁一坐低 就有人過黎問我地食唔食粥原來今年因為疫情關係 今年既粥唔係自取形式 係佢比裝埋比你按人數 個量會增加我見鄰桌係一煲粥咁放上枱不過呢道個白粥真係我食過最好味既白粥食頭兩啖可能覺得同一般食既分別唔大但食多兩啖就發現好香果皮味 可以自己加鹽我冇加但覺得已經夠鹹睇落都係綿同啲米已經係爆開哂 係正既而飯就自己裝既飯因應各人口味 有人中意硬啲軟啲爛啲我只可以話呢道既飯唔好食對我黎講太黏。。。春卷都係好食既 入面蘿蔔好足料出面又唔係油淋淋咬落好脆 但二人餐有成八舊有啲誇張始終炸物食得多覺得好熱氣併埋一齊既係酥卷 老實說我唔知咩黎應該係豆類製品 唔係熱既 但都唔
唔係宗教問題 係細細個就已經有既習慣
只係今年既狀況 一齊食既人就愈黎愈少
肺炎橫行 其實都避開左農曆年頭 最旺既正月
坐到入去 唔影食客啦
但就冇左以往搭枱既情況
店員都盡量將食客隔開啲枱黎坐
其實我已經係兩點幾入座
但疏落既枱都有幾十個客
因為以往都好多人一齊黎
都係叫個多人套餐再散叫
今次係我第一次做落單既
傻下傻下就叫左個2人餐。。。一百六十蚊
本身想加碟齋 但話已經賣哂 (｡ ́︿ ̀｡)
咁唔緊要啦 其實兩個人三個餸係絕對食唔哂
咁一坐低 就有人過黎問我地食唔食粥
原來今年因為疫情關係
今年既粥唔係自取形式 係佢比裝埋比你
按人數 個量會增加
我見鄰桌係一煲粥咁放上枱
不過呢道個白粥真係我食過最好味既白粥
食頭兩啖可能覺得同一般食既分別唔大
但食多兩啖就發現好香果皮味 可以自己加鹽
我冇加但覺得已經夠鹹
睇落都係綿同啲米已經係爆開哂 係正既
而飯就自己裝既
飯因應各人口味 有人中意硬啲軟啲爛啲
我只可以話呢道既飯唔好食
對我黎講太黏。。。
春卷都係好食既 入面蘿蔔好足料
出面又唔係油淋淋
咬落好脆 但二人餐有成八舊有啲誇張
始終炸物食得多覺得好熱氣
併埋一齊既係酥卷 老實說我唔知咩黎
應該係豆類製品 唔係熱既 但都唔係雪凍左
食落其實冇乜味 但我覺得幾好食
最重味就係豉椒素鵝腸
愈食愈辣 所以我唔太喜歡
同埋佢個素鵝腸係望落似菇菌類 咬落似蒟蒻
又完全冇麵粉同碳水化合物既感覺
喺帶住太多不解 又冇問人既情況係
我唔太喜歡 但有興趣可以試下佢又唔係真係咁差
最後一碟係羅漢齋
雖然睇唔到 但佢有唔知少少酸菜定蘿蔔
所以偶爾會覺得酸酸地
算係有啲特色令佢同一般餐廳唔同
隻碟好大 啲餸都好多
不過菜就得兩條 應該係用黎伴碟既
不過再多都真係已經食唔落
雖然齋菜黎講二人餐百六蚊唔貴
但如果下次再兩個人黎 都係散嗌
叫返兩個餸 反正粥飯任食 又平啲呢( ´▽｀)
Post
