聖安娜餅屋 (Closed)

週三晚，移居美國多年o既表姐一家五口抵港遊玩探親。為歡迎剛於飛機渡過生辰o既Haley公主駕到，入住寒舍，XO爸B就專登喺「聖安娜餅屋」訂咗個「紅粉菲菲」公主蛋糕氹氹小朋友。小肥每個月真係買唔少蛋糕，深知憑滙豐或恒生信用咭親身於「聖安娜」預訂蛋糕即可享有八五折優惠，不必多問已能以優惠價$408購下靚爆鏡o既「紅粉菲菲」（原價$480），成功慳咗$72。由於蛋糕由原個公主公仔造出，差不多成十二吋高，家中o既雪櫃當真無法擺得落，我地結果要以冰袋及乾冰於室內雪藏，等小公主一到步就先吹蛋糕。（建議大家購買此蛋糕前要量度定雪櫃是否有足夠空間，或問定餐廳有否位置幫忙雪藏大蛋糕。）一刀切落去，即可見三款漸進粉紅色o既忌廉裙下有多層雪芳蛋糕。為怕糕品塌下，我地就先分切上半條裙，真係估唔到都有成四層蛋糕咁多。粉紅色o既忌廉軟滑甜美，蛋糕又夠鬆軟，就連裡面o既生果粒亦清香爽脆，「紅粉菲菲」果真又靚又好味！切到咁上吓，終於見到「紅粉菲菲」公主喺糕心o既身體，好衛生咁用膠袋保護住。見狀，Haley公主已急不及待要為公仔洗澡，並穿上連糕送贈之公主便裝。壽星女訪港之旅首日，雖則唔係咁認得四年前曾經見過o既家人，入