Video
Read full review
2019-03-07
1542 views
係一間推廣素食既公司做有咩好？就係團年飯一定係會去食素！而我地呢啲普通打工仔，當然係unun腳等老細黎請我地食飯啦～ 話說，上一篇食評岩岩先第一次介紹過中式素餐，估唔到轉過頭又黎第二round！今次被掃對象就係「從心素食」。wow～從心呀師主！講得妙，食素只係口裡素，心唔素，不足矣～就等我黎睇下呢間野又有幾從心啦！同依家一般新式既素中餐廳一樣，個殼唔會好齋舖feel。但當你去到門口時，可能你會驚叫：「冇咩位咋喎！？」Ａ～師主，其實內裡係有乾坤既！此店乃是呈西方文字「Ｌ」形，行多幾步轉個彎，就見到重有位架喇！不過有一樣野真係要提一提，因為全店使用直身大玻璃，透光度十分好，窗外又有樹群，雖然店內冇大自然氣息，不過真係幾舒服～好，食完個殼，開始介紹野食之前先問一條數學題：小明大明明仔一行6人叫左6個餐，總共有幾多樣野呢？6樣？錯！係9樣！因為係餐，所以有小食同湯跟：(1) 沙嗲羊肉串木綿豆腐(2) 麻醬雞絲粉皮(3) 黑松露南瓜忌廉湯(4) 豆湯黃耳鮮竹雜菜煲(5) 日式南瓜栗子野菌煲(6) 花菇仔竹笙扒西蘭花(7) XO醬蜜豆爆銀魚仔(8) 欖菜魚蓉三色米炒
而我地呢啲普通打工仔，當然係unun腳等老細黎請我地食飯啦～
話說，上一篇食評岩岩先第一次介紹過中式素餐，估唔到轉過頭又黎第二round！
今次被掃對象就係「從心素食」。
wow～從心呀師主！講得妙，食素只係口裡素，心唔素，不足矣～
就等我黎睇下呢間野又有幾從心啦！
同依家一般新式既素中餐廳一樣，個殼唔會好齋舖feel。
但當你去到門口時，可能你會驚叫：「冇咩位咋喎！？」Ａ～師主，其實內裡係有乾坤既！
此店乃是呈西方文字「Ｌ」形，行多幾步轉個彎，就見到重有位架喇！
不過有一樣野真係要提一提，因為全店使用直身大玻璃，透光度十分好，窗外又有樹群，
雖然店內冇大自然氣息，不過真係幾舒服～
好，食完個殼，開始介紹野食之前先問一條數學題：
小明大明明仔一行6人叫左6個餐，總共有幾多樣野呢？6樣？
錯！係9樣！因為係餐，所以有小食同湯跟：
(1) 沙嗲羊肉串木綿豆腐
(2) 麻醬雞絲粉皮
(3) 黑松露南瓜忌廉湯
(4) 豆湯黃耳鮮竹雜菜煲
(5) 日式南瓜栗子野菌煲
(6) 花菇仔竹笙扒西蘭花
(7) XO醬蜜豆爆銀魚仔
(8) 欖菜魚蓉三色米炒飯
(9) 招牌香橙骨
首先由小食佳麗們進場！
38 views
1 likes
0 comments
唔好意思，第一位已經係一定要試！非常香口，素肉口感適中，基本上同印度/馬拉果啲串燒差不多！配上木綿豆腐做伴碟亦幾有諗頭。
不過如果想食清新素既話，呢啲濃味野就NG喇～
28 views
0 likes
0 comments
不過呢個就真係清清地得黎，普通左啲。同埋作為涼盤，如果可以凍多少少應該會更好。
28 views
0 likes
0 comments
點解？因為成枱都係中式，得佢一個走西方路線！
其實最近發現無論中定西式既素餐廳都好中意用「忌廉湯」。well，呢個都係唔錯既，黑松露夠香，湯中有荀有菇粒，都唔係hea既～不過食中餐都係想飲番中湯多啲。
好，送走3位，終於到主角出場！
先黎個白滑既先！
豆湯黃耳鮮竹雜菜煲
100 views
0 likes
0 comments
黃耳個人比較少食，而且都算係比較小貴既材料，但好似都係雲耳好食啲。菜方面有白菜仔、西蘭花同菜心。
反而個豆湯真係唔錯，香滑真係可以當湯飲，而最後飲哂果個都係我XD
38 views
0 likes
0 comments
味道中規中矩啦，不過鍾意食栗子既人一定大愛！皆因栗子大大粒，而且都幾多粒，一定夠喉。
48 views
0 likes
0 comments
78 views
0 likes
0 comments
XO醬炒當然係XO醬咁味，蜜豆肥大唔錯，銀魚仔就係經常見到既素魚肉絲。
完！冇咩特別好介紹既一味，下次唔知會唔會再見面。
195 views
0 likes
0 comments
77 views
0 likes
0 comments
就咁「香橙骨」就冇咩想試既衝動，但一加左「招牌」兩個字就即刻想試！招牌果然係招牌，所謂「骨」其實係用猴頭菇整成，肉質鮮嫩，加上香橙片，清香可口又帶點點酸味，戀愛啊～！
作為一間中級既中式素餐廳，不過不失，啲野食大路得黎都幾細緻，環境亦唔錯。而另外好值得一提既係，啲侍應姐姐好有禮貌，亦好健談，猛咁同我地介紹咩多人食，有咩好食咁，整體黎講係幾有「心」。唯獨地點呢，如果唔係住附近或番工，真係要好有「心」先黎到啊～
Post
