喜聚火鍋雞煲專門店

Open Now

Now Closed

首先，我真係唔預350個頭食啲咁嘅嘢…六哥啲片我睇咗唔少，今日終於去旺角試一試佢嘅三號餐— 美國安格斯牛頸脊放題。我選咗雞煲，一坐低，刺身（赤貝，馬刀貝，螺肉，三文魚、魷魚）、避風塘大雜燴、Wasabi牛肉，就上枱，陣容鼎盛。但食材質素外貌就不敢恭維。 都係叫佢拎走啦。雞煲不過不失 有四隻雞翼尖，之後，我本想換個湯底打邊爐，雖然寫明可以「自選火鍋湯底」，但，實際上除咗清湯，其餘全部都要額外加錢。之後海鮮蒸鍋連湯底一齊上，但海鮮都係 可入口食唔死。 未到想投訴 但又覺得接近底線，冇精彩都想令人影相，亦都未令人諗住影相留低，勸退他人。都只係處於冇下次嘅程度。直接衝破我底線嘅係牛頸脊，姑勿論個外貌，第一次食到如此奇特嘅牛頸脊，瞌埋眼食你一世都估唔到自己食緊乜放題呢家嘢，品質浮動我明嘅，再叫一次俾多次機會，結果更加大鑊。勁！喱度嘅蜆更加有趣獨特，一擺入口彷彿去咗沙灘，基本上淨係可以享受「烚」嘅過程。總結，呢間餐廳帶嚟咁多新奇刺激嘅感受，經歷一次已經夠。