南山谷韓國居食屋 (Closed)

今個週末入沙田同阿姨同大小表妹食個飯,本來諗住去飲茶,大表妹話想食南山谷,又好丫!先黎4小碟泡菜,分別係經典大白菜泡菜/麻油芝麻葉各2;前者真係幾辣但又幾好食,合我口味;後者相對比較溫和,怕辣者就適合。阿姨既什麼牛肉定食後落單反而最早上檯,牛肉成座小山一樣,相當壯觀!雖然我唔食牛肉,但都覺得味道幾香。自己個韓式冷麵沙律第二到,外型頗為吸引。將麻醬加入麵條後試食,麻醬味道唔重,個人覺得唔多足夠,反而將表妹石頭飯辣醬加入後,似乎更好吃。麵條相當煙靱,幾得意!有機會試下水冷麵,應該更加特別。配菜方面,沙律菜還算ok,其餘蟹柳、青瓜絲、火腿絲則是普通。定食配韓式壽司同麵豉高麗菜湯:前者同日本壽司外觀相似,內裡有火腿絲、甘筍絲、芝麻葉絲,味道ok不過包得幾散,好難夾起進食;後者真係第一次飲到呢個配搭既湯,不過味道同口感又幾夾,菜絲已煲到夠軟身,麵豉湯又幾濃味,清碗!大表妹個石頭飯最遲黎,不過睇到又好似好吸引!!見佢將辣醬加入拌勻之後,真係好香!!試食左唔少啖都覺得無飯焦比有飯焦合自己口味,呢款飯唔錯。餐牌寫明有甜品,但今日甜品欠奉,換來一大個柑!!飲品+$5轉雪梨汁,成杯清澈通透,唔多似用雪梨榨