Video
Read full review
2021-01-26
1851 views
上星期到城中鴨子食午飯，餐廳裝修時尚，而且設透明廚房，客人可以見到烤鴨爐以及師傅片鴨。當日一行四人，叫咗六個菜式，濃淡各半，整體食物質素不俗。🌟烤北京填鴨(半隻)餐廳叫「城中鴨子」，招牌菜固然係片皮鴨。上次嚟三個人食一隻鴨有啲多，今次就叫半隻。先講鴨肉，好嘅烤鴨應該要做到油香肉滑，鴨皮鬆脆。當日嘅烤鴨上枱「令立立」，可惜鴨肉太瘦，有啲嚡口，好在片得薄，冇鴨羶，外皮尚算脆。另外餅皮煙韌，配理清爽嘅青瓜、京蔥同鴨醬，尚算合格之作，但離好食仲有段距離。🌟田園蟲草花炒翡翠苗上網見人推介呢道炒菜，一試就知無叫錯。翡翠苗翠綠、幼嫩無渣，蟲草花帶鮮甜的菌香，中和翡翠苗嘅草清味，我好鍾意食蟲草花所以非常鍾意呢個配搭。唯獨食到尾時見到碟底成碟油，如果冇咁油膩就更加好啦。🌟無錫灌湯小籠包一籠有六隻，小籠包外皮厚薄適中，夾起時隱隱可以見到入面的湯汁，啱啱好承托到湯汁又唔會穿。外皮皺摺唔算工整，但尖端位置唔會好厚，師傅手勢不過不失啦。豬肉餡料有鮮味，肉質鬆化。湯汁有大約半匙羹，清清地唔油膩。呢籠小籠包抵食！🌟高纖炒紅米飯飯底係蛋炒飯，加埋粟米蔥花菜粒松子仁去炒，粒粒分明，尚算乾爽鬆散。細個午膳時嘅飯盒經常白米
當日一行四人，叫咗六個菜式，濃淡各半，整體食物質素不俗。
🌟烤北京填鴨(半隻)
烤北京填鴨(半隻)
$180
35 views
0 likes
0 comments
餐廳叫「城中鴨子」，招牌菜固然係片皮鴨。上次嚟三個人食一隻鴨有啲多，今次就叫半隻。先講鴨肉，好嘅烤鴨應該要做到油香肉滑，鴨皮鬆脆。當日嘅烤鴨上枱「令立立」，可惜鴨肉太瘦，有啲嚡口，好在片得薄，冇鴨羶，外皮尚算脆。另外餅皮煙韌，配理清爽嘅青瓜、京蔥同鴨醬，尚算合格之作，但離好食仲有段距離。
🌟田園蟲草花炒翡翠苗
田園蟲草花炒翡翠苗
$118
24 views
0 likes
0 comments
上網見人推介呢道炒菜，一試就知無叫錯。翡翠苗翠綠、幼嫩無渣，蟲草花帶鮮甜的菌香，中和翡翠苗嘅草清味，我好鍾意食蟲草花所以非常鍾意呢個配搭。唯獨食到尾時見到碟底成碟油，如果冇咁油膩就更加好啦。
🌟無錫灌湯小籠包
無錫灌湯小籠包
$88
31 views
0 likes
0 comments
一籠有六隻，小籠包外皮厚薄適中，夾起時隱隱可以見到入面的湯汁，啱啱好承托到湯汁又唔會穿。外皮皺摺唔算工整，但尖端位置唔會好厚，師傅手勢不過不失啦。豬肉餡料有鮮味，肉質鬆化。湯汁有大約半匙羹，清清地唔油膩。呢籠小籠包抵食！
🌟高纖炒紅米飯
高纖炒紅米飯
$118
47 views
0 likes
0 comments
飯底係蛋炒飯，加埋粟米蔥花菜粒松子仁去炒，粒粒分明，尚算乾爽鬆散。細個午膳時嘅飯盒經常白米溝紅米或糙米去煮，漸漸我亦慢慢習慣咗，甚至鍾意紅米粗糙嘅口感，所以我覺得呢個炒飯好啱我口味。而且面頭嘅琥珀合桃糖脆而果肉乾身，起到畫龍點睛的效果。
🌟屋里廂咕嚕肉
屋里廂咕嚕肉
$108
34 views
0 likes
0 comments
唔講唔知，原來咕嚕肉係外國人最愛嘅粵菜。當日嘅咕嚕肉外層香脆，非常掛汁，肥瘦適中，鬆軟彈牙。可惜個汁做得唔理想，好嘅茨汁應該係啱啱好包住咕嚕肉，但當日嘅茨稍嫌太多，最弊嘅係人工味好重，酸味太嗆而冰糖死甜，成碟餸敗在醬汁。
🌟松子黃魚 (半條)
條魚係完整咁上枱，再由店員即席剪開幾份。糖醋汁唔再多講，但條魚的確炸得唔錯，炸粉上得幾靚，厚度適中。而且保持到魚肉滑嫩，外脆內軟。
餐廳雖然以鴨聞名，但其他嘅蒸炒炸菜式做得更出色。以呢個價錢同定位嚟講，食物嘅質素已經係非常可以，值得一試。
Post
