龍門客棧

Open Now

Now Closed

話說我都好喜歡食車仔麵，基本上喺我屋企或工作地點附近嘅，我都有去食。今日入大埔經過見到一間舖，外面放咗一架單車，2塊黑板分別寫上，自選車仔麵，及*無味精嘅雞湯*，呢句吸引到我👍牛坑腩豬腸冬菇咖喱魚蛋粗麵，麻辣汁！呢餐係第一餐，所以要豐富啲😁落單後好快有得食✌️第一時間梗係要飲湯先，湯底看似平淡，却清香可口😋，未食麵，我已飲咗一半湯🤣呢碗麵其中一餸，就係冬菇～日本花菇！日本花菇！日本花菇😍，厚身爽口，適當調味，仍可品嘗到花菇本身香味，豈止值回票價，係超值之選😄牛坑腩和豬腸都炆得夠腍，坑腩夾起唔會鬆散，還食到牛肉味。豬腸雖然唔係厚身，鹵水亦唔會過咸過重。粗麵其實都好難煮，過要軟硬適中除咗好靠師傅手勢外，另外麵嘅新鮮度都有關係，所以店舖每日拎貨以保持質素。麻辣醬汁，充滿麻香，咸辣適中👍層次豐富忍唔住問師傅，點解嗰湯可以咁好味😋佢話係用雞和海味做基底材料，每日新鮮熬煮的👍， 雞粉味精會加重身體負擔，唔健康，而店舖所有炆煮的汁醬，都係師傅自己調配製作，才能有保證，簡單清淡才能吃出食物原味，也可以吃到食物真營養，令大家都食得健康安心。車仔麵只限午市供應，黃昏後會變身私房菜，有2款套餐，每位$120客