川辣仔烤魚雞煲

Open Now

Now Closed

馬鞍山一直係美食沙漠！聽住喺附近嘅朋友講，佢屋企附近開左間專食烤魚雞煲嘅餐廳，中意食辣嘢嘅我當然要去試下啦！專程揸車入馬鞍山一探究竟。位置喺富安花園巴士站隔離，招牌好搶眼唔難搵架！餐廳出面仲有空地可以泊車，好方便！雖然疫情嚴峻嘅關係,政府規定冇六點後冇堂食，但係仍然無阻我試新店，食好西嘅心情！一去到店員好熱心好客，同我地推介有咩招牌菜式。我同友人嗌左個中辣醬香雞煲番屋企慢慢嘆。揸車番屋企途中，個雞煲嘅香味已經喺袋外賣到滲哂出尼，只係一心想可以極速番到去開餐！終於番到去可以開動喇！一打開個蓋見到有好多配料有芫荽、蒜頭、紫洋蔥同芹菜，落足配料，難怪咁香。除左配料同雞，雞煲嘅靈魂就係喺啲醬到！個醬不得了，超級惹味！夠哂香之餘又辣得過癮！啲雞夠嫩滑，雞皮又爽脆！之前食過好多雞煲，個醬汁都係偏死咸；川辣仔嘅雞煲調味調得啱啱好，唔會蓋過隻雞嘅鮮味！應該係啲雞夠新鮮，所以就唔需要啲死咸嘅醬尼掩蓋啲雪味！真係食過翻尋味呀，下次一定要試埋佢個烤魚至得！川辣仔簡直係馬鞍山美食沙漠之中嘅綠州！希望馬鞍山會有更多好似川辣仔呢啲有質素嘅小店進駐啦！