Video
Read full review
2009-10-06
44 views
呢間舖去過幾次,啲牛肉麵大碗又彈牙,又熱,湯底夠濃。每次食完可以再叫多一碗。點知琴晚同同事再去,發覺啲牛肉麵份量縮晒水同埋係暖的。湯底又超油又有怪味,應該係放咗過多八角。麵條又短又碎,完全唔可以叫拉麵。啲牛肉係非常細塊,又冇乜牛肉味。其他同事話碗雙丸辣麵得個辣字,丸太實,一啲魚味都冇。令一位同事碗豬軟骨麵就一味得個鹹字,同以前嘅香濃豬軟骨麵相差很遠。隻隻碟都有黑列紋,茶又凍。唯一可取係傳菜的小姐們有笑容同唔會視而不見。食完後覺得係咪入錯舖。但買單先知要收人十幾蚊荼位,點解餐牌同門口唔寫呢?下面有位食家講得一啲都冇錯,點解要收茶價?仲要啲茶一啲都唔好飲,又冇得選擇茶葉。,最過份就係當同事出去畀錢之後,用手摸一摸張單時,嗰個找緊錢的肥胖四眼曲髮亞嬸好惡地鬧住話“等我找完錢先得唔得呀”呢種係咩態度?用手摸一摸自己張單都唔得?莫非佢計多咗心虛所以喝客?之後連多謝都冇,那可憎嘴面好不可一世。那同事好人所以唔想出聲,但換咗係其他人一定會破口大鬧作回應。每人五十蚊食碗超難食嘅麵,仲要起身比錢同食埋貓麵,係台灣牛肉麵先做得出。原來台灣牛肉麵係咁樣欺客,就算全尖沙嘴得番台灣牛肉麵都唔去呢間。以後咪去全港
點知琴晚同同事再去,發覺啲牛肉麵份量縮晒水同埋係暖的。湯底又超油又有怪味,應該係放咗過多八角。麵條又短又碎,完全唔可以叫拉麵。啲牛肉係非常細塊,又冇乜牛肉味。其他同事話碗雙丸辣麵得個辣字,丸太實,一啲魚味都冇。令一位同事碗豬軟骨麵就一味得個鹹字,同以前嘅香濃豬軟骨麵相差很遠。隻隻碟都有黑列紋,茶又凍。唯一可取係傳菜的小姐們有笑容同唔會視而不見。食完後覺得係咪入錯舖。
但買單先知要收人十幾蚊荼位,點解餐牌同門口唔寫呢?下面有位食家講得一啲都冇錯,點解要收茶價?仲要啲茶一啲都唔好飲,又冇得選擇茶葉。,最過份就係當同事出去畀錢之後,用手摸一摸張單時,嗰個找緊錢的肥胖四眼曲髮亞嬸好惡地鬧住話“等我找完錢先得唔得呀”呢種係咩態度?用手摸一摸自己張單都唔得?莫非佢計多咗心虛所以喝客?之後連多謝都冇,那可憎嘴面好不可一世。那同事好人所以唔想出聲,但換咗係其他人一定會破口大鬧作回應。每人五十蚊食碗超難食嘅麵,仲要起身比錢同食埋貓麵,係台灣牛肉麵先做得出。
原來台灣牛肉麵係咁樣欺客,就算全尖沙嘴得番台灣牛肉麵都唔去呢間。以後咪去全港所有台灣牛肉麵!去隔離花園都好過去呢間舖。
唔知點解依家啲餐廳對客越來越惡,係咪太好生意唔憂做?絕不可原諒呼喝或串客人嘅餐廳員工同老闆。客人如無故被服務員喝罵單打黑面,應當面嚴厲指責,向餐廳高層投訴。如不受理應寫上去openrice,以杜絕呢種餐廳繼續欺客。
Post