Video
Read full review
2008-08-24
30 views
好短時間之內又再嚟呢度~因之前覺得幾好味, 又應承男友要戴佢嚟試吓, 點知俾個9號風阻住咗, 幸得男友安排到放假, 冒住星期六人多嚟睇吓有冇位...去到時已2點半, 果然真係好多人, 要攞籌, 不過好多人走咗, 所以實質等咗3、4張就到我地入到去原來要3點先有tea set, 不過見lunch set有樣都啱食, 就落住一個order先男友叫咗1)燒鴨胸黑椒汁飯配沙律同湯, +$10連普通飲品沙律同湯------生菜底面有幾條蘿蔔絲仲有"dd"芝麻汁, 略嫌芝麻汁手緊d, 而沙律配料又過份齌, 湯係忌廉湯, 試咗一啖, 味道都幾好, 好滑, 唔係開粉, 入面有咩材料就唔知, 因冇問...一個茶杯仔得幾啖燒鴨胸黑椒汁飯-----依舊碟就大大隻, 中間"cup"咗個飯係度, 朋友話係日本米嚟, 有2件鴨胸肉, 朋友俾咗啖我試, 見佢切時好似好焾好軟咁, 令我諗起阿媽煲湯時d豬展肉, 當然食落真係好焾, 配埋個日式黑椒汁同煙韌珍珠米唔錯, 日式黑椒汁同咖哩一樣, 都唔係話辣味個種, 少少帶甜, 以香味取勝, 如要挑剔既話, 就係份量較少, 男仕未必夠飽, 哎呀...掛住傾唔記得影番張相添男友
去到時已2點半, 果然真係好多人, 要攞籌, 不過好多人走咗, 所以實質等咗3、4張就到我地
入到去原來要3點先有tea set, 不過見lunch set有樣都啱食, 就落住一個order先
男友叫咗1)燒鴨胸黑椒汁飯配沙律同湯, +$10連普通飲品
沙律同湯------生菜底面有幾條蘿蔔絲仲有"dd"芝麻汁, 略嫌芝麻汁手緊d, 而沙律配料又過份齌, 湯係忌廉湯, 試咗一啖, 味道都幾好, 好滑, 唔係開粉, 入面有咩材料就唔知, 因冇問...一個茶杯仔得幾啖
燒鴨胸黑椒汁飯-----依舊碟就大大隻, 中間"cup"咗個飯係度, 朋友話係日本米嚟, 有2件鴨胸肉, 朋友俾咗啖我試, 見佢切時好似好焾好軟咁, 令我諗起阿媽煲湯時d豬展肉, 當然食落真係好焾, 配埋個日式黑椒汁同煙韌珍珠米唔錯, 日式黑椒汁同咖哩一樣, 都唔係話辣味個種, 少少帶甜, 以香味取勝, 如要挑剔既話, 就係份量較少, 男仕未必夠飽, 哎呀...掛住傾唔記得影番張相添
男友食緊途中已到咗3點, 等佢地好耐先俾到個餐牌我, 見同上一次都係同一個MENU, 冇咩吸引, 就散叫咗個蕃茄海鮮意粉, 因見到有我中意既蕃茄醬同蜆係度, 中間又等咗好耐, 男友食完, 仲吹咗幾次柸iced coffee都嚟埋, 我都仲未有得食, 心知佢應該漏單, 好肯定咁同佢講"你地漏咗我張單"後, 幾分鐘後終於有得食
蕃茄海鮮意粉-----今次好似冇上次咁, 多意粉依舊彈牙, 材料有魷魚、蝦、蜆、帶子, 蕃茄醬鮮製, 味道清新, 唔死酸或死甜, 魷魚煙韌, 蝦幾爽仲有少少蝦味, 帶子細細粒, 一般d, 而蜆就幾好味, 不過得4、5隻少d, 入面有一兩粒砂。自己中意加d芝士粉一齊食, 仲以為今次會食唔晒, 叫男友幫我包底, 點知一路傾一路講就成碟食晒, 因為真係好好味, 又可能佢冇白汁咁漏有關
係我食緊中途男友知我想叫甜品所以已經叫定個迷你綠茶芭菲(唔肯定個名), 驚又要等,
迷你綠茶芭菲------睇menu個陣仲以為面係綠茶軟雪糕, 原來綠茶cream嚟嘅, 有2片橘子片, 酸酸苦苦一粒栗子好甜好味, 2粒白圓子和2粒綠茶圓子, 中間有個雲呢拿雪糕球, 面最下層係綠茶+寒天, cream軟滑, 如果係凍仲好, 雪糕球唔知係咪自家製, 唔算滑,一般啦, 底部寒天同綠茶係冇咩甜味, 都係靠上面d雪糕帶落去, 覺得唔夠甜, 之後自己+咗男友沖剩咖啡嘅牛奶同糖水落去, 覺得好味d, 同麻布茶房食法一樣, 不過覺得麻布好食好多, 都係試過就算
整體味道係好嘅, 雖然服務方面真係唔係咁好, 某d食物份量亦有待改善, 但見朋友成碟連汁都撈埋又冇理由唔俾個笑佢嘅!
Post
