功德林上海素食 (Closed)

話說早前呢間功德林大裝修，但無諗過，竟然CUT左一半地方，吉左呢條路都唔知做乜，以前都可以話門庭若巿，而家真係唔望高頭都唔知，原來仲有功德林。其實而家店內都有啲三尖八角。由於有啲口渴叫左杯豆漿，淡到好似無黃豆磨過咁，就算大家唔食甜，都唔好飲勒，建議飲茶都OKAY~呢碟宮保雞丁可以話素雞同腰果比例唔balance，幾乎全碟佔80%都係素雞，不過都算夠味。其實我以為回鍋肉應該會惹味啲，但係完全無辣嘅味道，同上海粗炒無分別，啲菜都仲好，年糕可以再炒多耐少少。呢個煲其實每樣野嘅份量都好平均，不過花菇嘅味道唔出，明顯唔係日本花菇，唔香又唔夠肉，如果一碟餸起頭係主角嘅話，呢碟野叫失色勒! 但係栗子軟硬適中，亦有味道。逢勸大家，如果可以唔食，就唔好食呢條「魚」勒，以花菇做魚頭同魚尾，但又乾又扁又無味道，是特式嗎?本來以為松子魚會是「扮魚肉」，但原來係腐皮包住芋頭，吃一、兩舊已經好漏，唔係講笑，其實啲汁已經「杰」，可以再透明少少，有光澤少少囉~全晚最值得一讚是這碟上海粗炒，真係同出面有肉嘅上海粗炒差得唔遠，夠味之餘，啲麵條唔太淋，有口感，菜亦炒得夠火喉。最後滿心歡喜的甜品酒釀丸子，令我更失望。酒糟明顯