富東閣海鮮酒家

Open Now

Now Closed

再戰富東閣片皮鴨，今次搵埋飯腳友，四個人去食可以食多啲嘢。片皮鴨，保持水準，有皮有肉冇肥膏，好味。二食今次要咗炒鴨絲，韭菜、芽菜、青蔥炒鴨絲，有鑊氣，味道合格。冰鎮咕嚕肉，上次見到隔離枱食好吸引，今次人多終於可以試。煮起熱辣辣，放上啲冰度搞到個面凍冰冰，口感又幾得意。冬瓜盅，好耐冇食過了，大大舊去皮冬瓜環，仲有必備嘅夜香花、絲瓜、瑤柱、蟹柳、蝦，夠哂足料。海鮮雜菜煲，又係大大份，超多料。薑蔥蠔煲，同樣份量十足（足足有十隻蠔），夠哂火喉，香噴噴。六個餸，連埋茶錢加一，都係$878，認真抵食。