米走雞Live

Open Now

Now Closed

上個星期，忽然嘴饞想食麻辣雞煲，然後又諗返起米走雞！好彩佢有分店，唔洗特登去港島食，九龍都有得食！呢間店有好多卡位坐，都一樣坐得幾舒服，燈光同佈置都幾型格，呢度食晚餐都會感覺非常享受。麻辣雞煲一上枱時，會先加啲酒再點火，幾有睇頭！個陣濃郁嘅香味直接撲鼻而來，令人流哂口水。佢哋嘅麻辣程度啱啱好，啱我哋嘅口味。又麻又辣嘅雞煲雞肉肉質夠嫩，雞肉幾入味，帶啲麻麻辣辣嘅感覺，幾正。食完雞肉之後，店員會幫忙喺鍋上面加入湯繼續煮，變左麻辣火鍋，可以換第二個食法，打邊爐！今次我哋點咗雲吞，佢哋嘅雲吞包得幾靚，雲吞皮夠薄，放入火鍋煮咗之後，吸收咗麻辣湯底既味道，啲蝦都幾爽口，唔錯。再嚟就係花枝片，擺盤都放得幾靚，望落新鮮，煮熟咗食都幾有咬口。最後我哋仲點咗娃娃菜，食返啲菜平均下。菜放入火鍋度煮一陣就食得，食落都新鮮，無爛菜，仲食到好飽好滿足！