Video
Read full review
2022-03-12
172 views
繼上次介紹嘅西環burger店後，又有一間小店就黎結業了(๑ १д१)，抵擋唔到疫情嘅挑戰。雖然依家數字好似已經回落，而全民檢測又傳話唔再搞，不過好像在玩弄緊港人咁。好包係由一對情侶開辦，女友鐘意食雞翼，有日無聊問到如果雞翼+包會=乜呢？如果拆走條骨咪可以當雞扒吐司咁食？於是佢試過哂用所有港式麵包，但都覺得同雞翼唔夾，就決定自己用人手整，喺元朗創立小店。 18年小店結業後21年8月喺佐敦重開，但開業唔夠8個月就被迫結業。喺社交平台story講話「當香港仍然適合營商時再考慮重開」。佢將在3月12日結業，但唔知點解openrice已經顯示「已結業」。 小店名符其實係非常之小，廚房最多可容納兩人，但每件包都係即叫即製。店舖主要做外賣生意，想堂食就只有店外/內各一張櫈/枱，而枱仔真係好鬼枱「仔」，連一個正常size嘅木板都裝唔落，食野都要就吓就吓。 香蒜椒鹽無骨雞翼包$40(套餐包飲品+$10) 店舖主打6款雞翼包，仲有兩款丼飯。唔食雞翼可選豬腩包，另有12款調製飲品可揀。價錢非常實惠，加套餐都只係$50。有個細心位，就係包著食物嗰張紙寫滿著有關雞翼嘅學術文章，食好包都有「報紙」送飯。 講少少
好包係由一對情侶開辦，女友鐘意食雞翼，有日無聊問到如果雞翼+包會=乜呢？如果拆走條骨咪可以當雞扒吐司咁食？於是佢試過哂用所有港式麵包，但都覺得同雞翼唔夾，就決定自己用人手整，喺元朗創立小店。
18年小店結業後21年8月喺佐敦重開，但開業唔夠8個月就被迫結業。喺社交平台story講話「當香港仍然適合營商時再考慮重開」。佢將在3月12日結業，但唔知點解openrice已經顯示「已結業」。
小店名符其實係非常之小，廚房最多可容納兩人，但每件包都係即叫即製。店舖主要做外賣生意，想堂食就只有店外/內各一張櫈/枱，而枱仔真係好鬼枱「仔」，連一個正常size嘅木板都裝唔落，食野都要就吓就吓。
香蒜椒鹽無骨雞翼包$40(套餐包飲品+$10)
香蒜椒鹽無骨雞翼包
$40
3 views
0 likes
0 comments
店舖主打6款雞翼包，仲有兩款丼飯。唔食雞翼可選豬腩包，另有12款調製飲品可揀。價錢非常實惠，加套餐都只係$50。有個細心位，就係包著食物嗰張紙寫滿著有關雞翼嘅學術文章，食好包都有「報紙」送飯。
講少少自家製的包——Ciabatta意大利拖鞋包。未見過都可能會聽過佢個名。呢隻包特别之處係佢含水量(hydration level)超高，令佢內裏嘅氣孔異常寵大而成名。加上佢好適合夾包，令到有排喺外國爆紅，間間coffee shop都會有呢樣野。
一開頭以為會有越式法包咁大，但其實只有一個roll仔，但就夠飽嘅(男士可能麻麻)。內裏如上述有密麻麻嘅氣孔，外層佈滿麵粉，微帶咬口，內裏綿密鬆軟，新鮮有粉香，達到最基本要求有餘，包內搽上牛油後就令佢更香。
香蒜椒鹽無骨雞翼包
$40
8 views
0 likes
0 comments
雞翼size正常有三隻，外層有木薯粉類似鹽酥雞嘅皮，但留意佢唔係炸皮嗰種，加入花椒鹽後層次感就更高(可再多D)。內裏嘅肉係無骨而啖啖肉啊！真係多汁鮮嫩，正。
雞翼底下搽滿沙律醬，仲有少少哪嘅紫洋蔥同生菜。如果我係附近嘅學生，我都會成日走黎食嘅。
菊花薑蜜
其實用餐前，第一樣野感動到我嘅係凍飲唔洗加錢。呢個飲品就充滿薑嘅暖和感覺，帶有天然蜂蜜嘅甜蜜，菊花味就飲唔出，但都令我暖入心。
Post
