囍碟 (Closed)

囍帖街重建之後，第一次走入呢條街覓食。呢度餐廳普遍都係走中高價路線，但係今日食呢間囍碟，價格絕對平民得多。價格平民，但係質素絕不馬虎。無論係餐廳嘅裝潢、餐牌、以至係侍應嘅服務質素，我都覺得係上乘級數。而食物方便，亦都令我地稱心滿意。先有喇沙蝦牛油果沙津炸雲吞，上枱時熱辣辣，新鮮即炸，當然非常之吸引啦。先喇沙蝦本身醬汁滋味，蝦身彈牙兼有份量，已經夠晒滿足。再加上軟滑牛油果嘅口感，同埋脆卜卜嘅脆片，口感大豐盛。另外斑蘭葉烤春雞亦值得推介，雞肉嫩滑，香草配料亦令味道層次昇華。香味唔單止停留係雞皮之上，仲滲入雞肉之中，真係非常之惹味; 而蟹黃包亦都可以一試佢地海鮮嘅質素，蟹肉份量夠多之外，亦真係食得出啖啖鮮味，而唔會有雪藏味道，證明用料新鮮。最後嘅兩道甜品，燉蛋甜味適中，質感軟滑，如絲般嘅口感，令人想食多件XD 而「飯後果」有雪葩、豐富雜果以及窩夫，絕對唔會差過甜品店嘅質素!