2+2 café & bar (Closed)

行開沙田新城市都會留意吓隔離帝都酒店，以前間中會食吓佢地2+2 café & bar既buffet。最近行過原來搬咗落一樓，而家冇做buffet，走更精緻的路線。全新主餐單包含多款食材，當然有靚嘢，例如日本鹿兒島 A5 夏多布里昂和牛柳及澳洲 M6 和牛斧頭扒。海鮮拼盤 $888巨型海鮮拼盤，有波士頓龍蝦、生蠔、南非鮑魚、北海道帶子及虎蝦多款海鮮，加上乾冰的煙霧效果更有氣勢。生蠔帶子鮮甜，鮑魚龍蝦大隻，虎蝦爽彈，配以六款醬汁(鮮辣根汁、辣根茄汁、青檸欖油、泰式酸辣汁、香辣蛋黃醬、南美香辣醋青醬)，更有層次。鮮番茄松葉蟹櫻花蝦方形意大利麵 $258方形意大利麵比平時食開既意粉硬身，更有口感。啖啖都有濃香番茄松葉蟹味，櫻花蝦的點綴令畫面更豐富。火焰龍蝦干邑濃湯 (1/2隻新鮮龍蝦）$218首先欣賞火焰龍蝦，加入濃湯，最後放入忌廉。龍蝦湯夠晒濃，建議撈勻忌廉更香更滑。黑松露泡沫野菌湯 $108泡沫勁到好似飲Cappuccino 咁，中間黑色的黑松露唔係醬咁簡單，係一片黑松露，好有誠意。泡沫入口順滑，好香的野菌湯。火焰海鹽焗原條海鱸魚 $328海鱸魚好似比沙封住一樣，經過火焰，之後會切開。鱸魚