Video
Read full review
2014-05-07
3851 views
其實跟本用不著等位，店員只是忙於招呼外賣客，趕左我係街出面呆企而已。服務真係好到呢，證明佢幾咁唔憂做~所以係門口影下相LOR。門面都幾典雅，有D似博物館。排隊既人有成十幾個，每個消費都上百元，怪唔得人招呼堂食客。單睇連入座幾位都要大家自己有秩序咁mark低就知。未來過真係唔會留意，以為自己要跟外賣隊排。不過，寫低都無用，店員見門面有成六、七個唔似係外賣既，先問一句:係咪堂食，堂食可以入去！仲唔係似次序安排入去，又無問人幾多個，真係亂到爆！好不容易坐左落去，發現台與台之間好少空間，要扮同隔離friend，背靠背食野(除非你較嬌小)，枉論揾個地方擺袋，故建議靠牆坐。明哂！外賣萬歲！非北角居民只能做二等"客"人。不過，台面上有關該店、滷水材料，以及特色餸菜既推介的確很入門。好似上網站睇一間公司大概做咩，好快就一目了然。佢當然無寫份量，但鹵水主要材料既介紹，令餐館本身的功能由飲食服務提供者的角色，邁進文化交流的平台。咁可能同老闆係做過酒店有關，又識係機場開舖，視野遠不限於地區經營模式的小店。好啦，都係唔好再講佢營商特式，講返佢既鹵水。鹵水的主要香料原來包括：小茴香、八角、丁香、陳皮、草果、玉桂
所以係門口影下相LOR。門面都幾典雅，有D似博物館。
排隊既人有成十幾個，每個消費都上百元，怪唔得人招呼堂食客。單睇連入座幾位都要大家自己有秩序咁mark低就知。未來過真係唔會留意，以為自己要跟外賣隊排。不過，寫低都無用，店員見門面有成六、七個唔似係外賣既，先問一句:係咪堂食，堂食可以入去！仲唔係似次序安排入去，又無問人幾多個，真係亂到爆！
好不容易坐左落去，發現台與台之間好少空間，要扮同隔離friend，背靠背食野(除非你較嬌小)，枉論揾個地方擺袋，故建議靠牆坐。明哂！外賣萬歲！非北角居民只能做二等"客"人。不過，台面上有關該店、滷水材料，以及特色餸菜既推介的確很入門。好似上網站睇一間公司大概做咩，好快就一目了然。佢當然無寫份量，但鹵水主要材料既介紹，令餐館本身的功能由飲食服務提供者的角色，邁進文化交流的平台。咁可能同老闆係做過酒店有關，又識係機場開舖，視野遠不限於地區經營模式的小店。好啦，都係唔好再講佢營商特式，講返佢既鹵水。
鹵水的主要香料原來包括：小茴香、八角、丁香、陳皮、草果、玉桂、沙薑、甘草、香葉、花椒、洋小茴、芫荌籽、白豆蔻、紅麴米等，介紹中英並荗 (門前仲有日文)。看上去真的似中式的"咖喱"製法，香料甚多，也是完全考功夫及時間，急不得，只是鹵水並不以辣味為主，對廣東人而言就多了份親切感。
不過，曾經去過台灣的鹵水店，人人讚好又好有名氣的地方，鹵水都離唔開較強的鹹味。呢點係我最反感，亦係我唔多覺得有邊間鹵水店真係令我好食過番尋味既原因。唔知呢間又點呢？菜單同樣中英並荗， 又有辣味提示，有以鹵水為主打菜式既頁面，左面以佢既招牌鹵水鵝為主：
鵝片(起片) 例牌$168; 雙拼 $188; 三拼$208
有骨個款係平均平D: 例牌$138; 雙拼 $158; 三拼$168
掌翼有 雙拼 $1528; 三拼$148
頭頸$45
右頁有.. (例牌$118; 雙拼 $128; 三拼$148
鹵水元蹄、豬腩肉、千層豬大腸、豬頸肉
墨魚、鵝腎(另加小吃類:$58)
而鹵水豆腐同雞蛋都係單價，分別係$35同$20
拼既會係以最貴既價去計。所以如果要試鹵水鵝，基本上你只要睇第一、二行，決定要幾多拼就得。如果要係拼盆上加鹵水豆腐，唔使叫三拼，因為雙拼都係用鹵水豆腐墊底。
其他選擇有
招牌鴨下巴 ($45)、 阿鴻鴨舌 ($45)、鹵水鴨舌 ($58) 、醉香鴨舌 ($58)
五香牛展 、川辣牛展 、香麻海蜇、芥末雞腳筋、麻香雞腳筋 ($58)
涼拌爽耳絲 (豬耳)、紅油爽耳 ($50)
蒜香雞及滋味雞 (分兩種價：例$188; 雙拼$208)
亦有飯類，價格由$50至$70，配料都係前面提及過既野，唔重覆啦。呢個選擇都幾ARM一支公來，試多幾款。
我地最後揀左以下最想試既野：1. 是日例湯 $22 (本來係寫"家庭式老火湯"，仲聲明唔加味精，不過個日我見既明明係"蕃茄薯仔豬展湯"，即使D薯仔煲到"林晒"，令成個湯厚重味濃，阿媽教落呢D都唔算係老火湯，惟有改改用字。當然，台灣人可能已經覺得煲咁耐就係"老火"啦... 呢樣就留番比食家判斷啦。我呢個嘍囉只可以話呢個湯唔錯，不過我可能比較幸福，屋企人會加D紅蘿蔔，甚至係玉米同紫洋蔥，真係好甜，令到我至今我對其他餐館既中湯都睇唔上眼。
2. 醉香鴨舌 ($58)酒香而不澀，鴨又爽又滑又嫩，份量又唔嬉場，性格比極高，好完美BOR真係~ 佢係令我再返去既主因!
3. 招牌撈麪 $60餐牌都例明有芽菜、XO醬、蔥、火腿茸上湯，就睇你想唔想試同ARM唔ARM食啦。同"蔡瀾撈麪"就唔同在後者用左豬油、薑、京蔥、同豉油皇去配個火腿茸上湯。蔡瀾係同阿老闆講佢覺得咁好食，所以呢道菜以佢為名。但睇左蔡生既飲食節目覺得我同佢口味都唔係好夾，就叫左個招牌試下。
個撈麪幾乾爽，配料好似無例出而又混係XO醬入面既脆蝦乾，令佢層次更豐富。雖然辣左D，不過，如果沾火腿茸上湯，成件事都幾夾。只係，呢個小山堆既油炒麪，有D唔夠出位，食多少少都太"利"，無令我好想食多幾次既感覺。
4. 鹵水鵝片(起片) 拼 元蹄 $188鵝肉味濃出眾，爽口彈牙，不肥不乾，脂肪比例相宜，同鹵水配合令佢味道豐盛，増添良選原材料既特色。
元蹄好爽，雖然比左左右兩邊少少幾塊，但已經好夠啦。佢唔肥又唔"漏"，脂肪已經同鹵水做左朋友，好入味，成塊食都唔覺好"利"。肉身又有鹵水香，又有豬肉香，少少鹹，香料四溢，真係好正!
豆腐個樣都幾靚仔幾厚，不過又唔係話特別滑特別好食。
總括而言，我第一次食到咁有質素既鹵水菜式同醉香鴨舌! 好啦! 為左再試下其他菜式，我決定忍受佢既服務態度，下次再黎!
Post
