四季煲仔飯

Open Now

Now Closed

四季煲仔飯（2）一到冬天，六點後，日日都有人排隊，特別是星期五及六晚，條龍超長，想食此煲仔飯要早到或者平日來食。煲仔飯質素，以前會好啲，而家帶咸冇咁好味，份量其實少咗，價錢貴咗。不過，四季依舊用碳爐煮熟，火力均勻，有飯焦而啲飯焦能夠成塊起曬來食，其他煲仔飯店未必能做到。鴨蛋蠔餅，本人覺得呢個超好食，全個蠔餅都是脆的，而啲蠔仲有水份，唔乾身，真是做到剛剛好。我估係用料，火喉同次序問題，炸呢個蠔餅只是一位普通呀姐，技巧不多的。但是全港的舖頭，冇人能做到此效果。生滾湯，一種好舊式的煮法，其實只是放好湯料，然後生水煮成熟水，加小小師父，就飲得。味道一般，香港人食起來有小時候大排檔的味道，其他地方的人可以一試，或者不試。