四季煲仔飯

Open Now

Now Closed

有個朋友從外國回港，想同佢聚一聚。最近天氣開始轉冷，就想到食煲仔飯，我就帶佢去呢一間四季煲仔飯。四季煲仔飯，喺廟街尚算出名。好耐之前食過一次，希望今次再食唔會失水準。去到已經見到有好多人排隊，大約等咗30分鐘，就可以入去。我點咗滑雞排骨煲仔飯：雞肉排骨鮮嫩多汁，又滑又好味。朋友就點咗滑蛋牛肉煲仔飯：一上到枱就感覺到熱騰騰和香噴噴，牛肉非常嫩滑。加上係餐廳自製嘅豉油，將煲仔飯提升到另一個層次，個底仲有少少飯焦，食完就暖哂。總體來說，價錢合理，分量十足，值得再來。