大將

Open Now

Now Closed

冬天❄️咁凍當然要食我最愛既邊爐啦，今晚黎到T.O.P商場地庫food court內食火鍋放題，暖下個身😼。我地叫左中價位既澳洲和牛牛小排 $388/位，呢度特别既地方係每人一鍋，夠曬衞生乾淨，我地兩人分別叫左蕃茄濃湯以及雞白湯。隨湯底會附上兩碟肉，其中一碟係主角澳洲和牛牛小排，色水都幾靚，同埋脂肪少😛。相比起熊本豬梅花肉片既肥膏較多，都係食牛肉既性價比高D🤭。海鮮方面，帶子同沙白都大粒，而沙白係冇沙架👍🏻 。另外，有個小貼士俾大家，叫海鮮一定要講明要幾多份，唔係每位侍應都會醒目問你要幾多份，試過有一轉只係講左想要蝦同帶子，結果只係黎左一隻蝦同一隻帶子🥹🥹。同埋覺得餐廳要整番個QR code落order呀，除左自助區外，叫肉同埋海鮮都要叫侍應落單，滿座時侍應都忙，舉手舉到手仔都軟埋😿。講番自助區先，蔬菜類🥗用左膠盒好企理咁裝住，另一邊既丸類選擇都多，罐裝飲品有台灣茶同埋忌廉梳打，另外仲有汽水機同咖啡機，臨走前飲番杯暖野好舒服😌。甜品方面，有個位可以自己整窩夫，不過我地後尾食到好飽冇整到🤣，係食左朱古力味雪糕，都幾濃味，仲可以加埋熊仔🐻餅做裝飾😚。