醉美島 (Closed)

呢日喺元朗雞地呢邊覓食，呢間醉美島係最近新開嘅店舖，主打食串燒、海鮮鍋，有時晚市時段經過都會見到入面啲人食住串燒、飲住啤酒咁！第一Round，由於實在太肚餓嘅關係，即刻點返幾份肉類先，台灣腸、雞肉、雞腎、魷魚、牛肉等等，食串燒絕對唔可以錯過😀而家好興呢一種烤爐，上枱之後可以繼續放上去保持溫度😃就算冬天過嚟食都唔使擔心啲食物會凍親，呢一點好抵讚👍燒茄子蒜蓉配上茄子，完美配搭之一😁茄子軟綿嘅口感，濃郁嘅蒜蓉香，極度惹味🤤燒雞泡魚乾質地煙煙韌韌咁，味道鮮甜，配埋醬汁真係好吸引😋燒菠蘿食串燒最唔可以錯過嘅單品，就係燒菠蘿，可以中和一下食肉嘅油膩感😝花甲粉絲近年嘅大熱食品之一，唔係好多地方有得食到，趁呢度有得嗌就當然要試下🤪花甲好乾凈冇晒海沙，粉絲吸盡湯汁精華！😬食串燒咁開心，當然要整枝大啤賀一賀佢🍻