海皇粥店 (Closed)

早兩晚已和家族的叔伯姑嬸兄弟姊妹食過冬至飯，今晚正日與太太便輕便D、簡單的D，到海皇嚟一個小邊爐應節。呢間小店已不是第一次幫襯，早上及中午都好多人，唯獨晚餐時段比較疏落一啲, (但係都好多人買外賣㗎)所以坐得好舒服， 亦係一啲連鎖店難得見有卡位坐。 佢呢度打邊爐有粥底同豆漿湯底， 我就最喜歡豆漿湯底，又清淡又潤，冇咁熱氣！火鍋料都係一般貨色，反而蔬菜頗新鮮， 仲有附送一客油炸鬼，可浸落湯灼一灼便食，外脆內潤( 因為佢哋啲油炸鬼有個熱柜烘住), 如果喜愛去開大xx、美x打邊邊嘅，不妨試下新意思吖！