Video
Read full review
2022-09-30
1081 views
Main St. Deli 重開左都接近一年， 一路都未有時間去試，一間喺尖沙咀多年嘅美式餐廳，以前想食大大個漢堡就會想嚟呢度食， 可惜今次用餐經驗的確係有啲失望。 入到去坐低當晚嘅客唔多，連埋我地都只係三四枱，當晚做緊啤酒優惠， 美國品牌 Brooklyn Brewery 啤酒買一送一，所以都係同我地去大部份地方食飯一樣喇， 叫杯酒先啦～頭盤叫左個 Latkes ，一種喺美式餐廳經常見到嘅猶太風煎薯餅， 香口嘅幾好食， 係想像中嘅味道，不過以 $88 嘅價嚟睇， 佢個賣相好似好茶記。今次無食漢堡，試下佢啲三文治，要講美式，特別係紐約式嘅三文治， 標誌必然係 Rueben’s 喇，佢嘅Rueben’s 都好正宗，所有材料同味道都齊晒喇，但係佢就係正中左我食Rueben’s最怕遇到嘅野，手緊！ 肉嘅份量都幾少，以 ＄１７８嘅價錢嚟講，真係有點兒失望。另外再叫左個 Pulled Pork Sandwiches ，情況都係類似，好味嘅，不過食材未免都係手緊左啲。 不過今次嚟， 其實最想食嘅， 就係佢呢個足磅嘅芝士蛋糕， 一向鍾意食 New York Cheesecake ，呢個係真心正，又
入到去坐低當晚嘅客唔多，連埋我地都只係三四枱，當晚做緊啤酒優惠， 美國品牌 Brooklyn Brewery 啤酒買一送一，所以都係同我地去大部份地方食飯一樣喇， 叫杯酒先啦～
40 views
0 likes
0 comments
頭盤叫左個 Latkes ，一種喺美式餐廳經常見到嘅猶太風煎薯餅， 香口嘅幾好食， 係想像中嘅味道，不過以 $88 嘅價嚟睇， 佢個賣相好似好茶記。
Latkes
41 views
0 likes
0 comments
今次無食漢堡，試下佢啲三文治，要講美式，特別係紐約式嘅三文治， 標誌必然係 Rueben’s 喇，佢嘅Rueben’s 都好正宗，所有材料同味道都齊晒喇，但係佢就係正中左我食Rueben’s最怕遇到嘅野，手緊！ 肉嘅份量都幾少，以 ＄１７８嘅價錢嚟講，真係有點兒失望。
Rueben’s
38 views
0 likes
0 comments
另外再叫左個 Pulled Pork Sandwiches ，情況都係類似，好味嘅，不過食材未免都係手緊左啲。
Pulled Pork Sandwiches
46 views
0 likes
0 comments
不過今次嚟， 其實最想食嘅， 就係佢呢個足磅嘅芝士蛋糕， 一向鍾意食 New York Cheesecake ，呢個係真心正，又足料、夠實淨、下次淨係嚟食呢個 Cheesecake 就夠喇~!
New York Sandwiches
44 views
0 likes
0 comments
跟住講下餐廳最大最大嘅問題喇，係佢個冷氣！凍到，係凍到直頭想快啲埋單走，係真係凍到接受唔到，有問過店員可唔可以校返細啲，佢話係酒店總機佢地都無辦法。 咁我都無辦法，唯有走。
Post
