辛安東元祖奶奶雞 (Closed)

今日去食一間出名芝士奶奶雞既餐廳，不過唔係試個度既奶奶雞雞肉，而係去試一試佢地既冷盤小菜同好有特色既小籠包！😀例如有辛辣泡菜水母前菜再加上朝鮮醬油八爪魚拼青瓜，味道非常鮮甜，水母亦都唔係好多餐廳有得食，再加上泡菜非常之開胃酸酸甜甜小辣感覺！朝鮮抓魚拼青瓜非常開胃！食完之後胃口多多食物都裝得落！再加上青瓜非常新鮮爽口！都有生津解渴嘅作用！之後我再叫咗個特色密瓜梳打，味道清新微甜唔會好多人造色素，加上份量超大杯超抵飲！再叫咗個當地嘅韓式白飯！飯粒係類似珍珠米食落香韌，飯粒口硬適中！另外當然再叫咗個滋味小食拼盤，有芝士類似洋蔥圈質感，咬落去內脆外軟入口即溶好有刺激感！三角芝士薯，充滿芝士淡淡啖啖都係芝士濃郁香味！仲有脆炸薯角非常香脆可口！最令我難忘一定係呢個泡菜小籠包！佢入面雖然係冇湯汁嗰種醬爆嘅感覺！但係泡菜加豚肉混合嘅感覺非常之夾！再加上越食越開胃真係好想食完一籠又一籠！！