滿記甜品

Open Now

Now Closed

白雪仙草芋圓🍦🖤🍡夏日消暑推介！呢款啱哂覺得單食雪糕太單調嘅朋友仔。成個甜品用雲呢拿冰(白雪)做底，有足足5款食材：雪糕(可以自己揀味)、涼粉、芋圓、紅豆同薏米。雪糕同涼粉當然消暑，滑嘟嘟又彈牙嘅芋圓配埋充滿顆粒感嘅紅豆薏米一齊食，真係口感豐富，令人百感交集😂。杏汁桃膠芋圓🍼🍑🍡 (凍又得熱又得)怕食生冷嘢嘅朋友就不妨熱食呢款補身甜品。杏汁潤肺又有助消化，大餐之後飲返碗係個唔錯嘅選擇。桃膠清熱止渴、紓解壓力、養顔嫩膚，可以話係女仔過夏天嘅恩物。不過成日甜品始終唔貴，所以唔好太期待桃膠嘅份量同質素。反而芋圓原來意外地同杏汁幾夾，顔色靚得嚟又彈牙，望到心情都變好呢！