What's Dogs (Closed)

厚福行出名好多小食店，本來係想去食雪糕鯛魚燒，但發覺格離有間熱狗店，賣想都幾吸引，所以即時轉軑 店舖細鈿，但廚房舖面光亮整潔，而且有2張小枱可以比客人係店外到食。門外有個大餐牌，除左有熱狗，仲有凍狗！你可以自選配料，又或者揀店舖Set好嘅餐。我地當然揀左自選配料，因為上至香腸、醬汁，下至Topping，都可以自己一手一腳揀出黎我左要店主推介嘅紐約堡腸，味道香濃，比較咸。而基本醬就要左日式芥末蛋黃醬，芥末配熱狗本來就已經係一流，當中再有微甜嘅蛋黃醬，真係更加滋味 男朋友想味道再豐富一啲，所以加多$10要經典牛肉醬。牛肉碎好多，的確抵食！另外，由於我地大愛洋蔥，所以豪不猶豫就加$5要炸洋蔥粒，雖然香口脆卜卜，但略為油左少少，有啲油膱味。既然有凍狗，梗係試埋係點樣。呢到凍狗係夾北海道3.6牛奶雪糕，其後配料任你點配。我地要榛子醬(HK$2)，Oreo餅碎(HK$3)同薄脆片(HK$4)！麵包原個搽蜜糖再拎去烤，所以成個都暖暖地，又香脆。一凍一熱口感都幾特別，而且雪糕軟滑，不過榛子醬味道就食唔出，完全被蜜糖味蓋過左我最欣賞店舖即叫即整，熱狗固然熱辣辣，凍狗個包暖而脆，食物新鮮先係最重要