栢檔極品海南雞飯

Open Now

Now Closed

上次只買左半隻海南雞返屋企試，今晚決定試下佢其他野。今晚黎到依然排長龍，但今次無上次等咁耐，15分鐘就拎到。栢檔極品海南雞飯 $40 – 海南雞飯入面嘅海南雞份量相對小好多。海南雞雞皮薄薄，雞肉嫰滑，無骨啖啖肉。反之，飯雖則是油飯，但欠缺油香。3款醬油，每款俾左2小盒。其實雞肉份量咁小，一盒飯俾左6盒醬，未免有點浪費。滷水元蹄飯 $40 – 元蹄滷得好入味，亦煮得好淋，易咬。元蹄有骨膠原，所以食完有黏唇嘅感覺。元蹄是配白飯的，滷水汁撈飯，一流。