霸王山莊 (Closed)

喺屋企附近得呢間餐廳有得食片皮鴨。專登過嚟同爸爸食生日飯。點知道原本應該先上嘅片皮鴨，最後一道餸先上。首先啲皮係淋嘅，一啲都唔熱亦都唔脆。揀咗個熱食做椒鹽鴨架。食到第二嚿嗰嚿鴨肉嘅入邊竟然係冰凍嘅。完全食得出之前係冰鮮鴨，然後攞嚟炒扮二食。問職員發生乜嘢事佢竟然話應該係頭先上嘅時候上錯咗一隻擺凍咗嘅鴨。一定係講大話因為就算擺凍左，鴨肉嘅裡面都唔應該係冰凍架。就算佢講嘅版本係真嘅，都好唔合理啦！我第一臺嚟，佢攞隻擺凍咗嘅鴨俾我，咁隻新鮮嘅鴨俾邊個呀。真係好過分，以後都唔會幫襯。