唯一麵家

Open Now

Now Closed

同朋友兩個人去食，朋友個肚唔太舒服，就點左個雪菜肉絲粗麵。而自己就叫咗個牛腩四川擔擔麵。之後我地再加咗個炸饅頭。雪菜肉絲粗麵方面，個湯底好清淡。然後個粗麵感覺比出面餐廳粗。雪菜就一般般，一般茶記Level。肉絲有咬口，帶有少少肉味。整體偏中下等級，唔太好食。牛腩四川擔擔麵方面，其實如果唔講嘅話，我都完全食唔出佢係擔擔麵。味道同一般嘅擔擔面唔同，佢有好重炆豬手嘅味道。我個人就幾鍾意嘅，但係我個朋友就完全接受唔到。所以陣味道真係幾見仁見智。但係啲材料就落得幾足嘅，花生非常多。牛腩不過不失。整體OK。26$一碟炸饅頭有5舊。食落外脆內軟，唔洗沾煉奶都已經夠甜。依家真係幾值得推薦。因為喺葵廣，所以環境方面就唔使諗有幾舒服。而且啲枱枱登登舖得非常密，所以有啲迫。但係有時間都推薦大家試一試。