竹麓拉麵

Open Now

Now Closed

喺網上見到呢間拉麵好似幾耍家下，見佢咁近灣仔地鐵站就過去灣仔試一試佢哋啲拉麵得唔得。餐廳係一樓，地下有個好大嘅紅色鳥居，大大個人形紙牌寫住日本傳奇拉麵大師竹麓輔創辦嘅拉麵店。餐牌有豚骨湯、雞白湯、味噌湯幾種唔同嘅湯底，仲有和牛肉鹽醬油拉麵，仲話係來店必選就試吓呢一碗。再叫咗一個茄子慢煮牛肉做小食。拉麵好有和牛嘅油香，真係要趁熱食。面頭有成四五片高質嘅和牛，仲有半隻溏心蛋，隻蛋唔係剩係得味醂同醬油味，幾特別。嗰個鹽醬油湯底，唔係好濃，係淡麗風再加上濃濃嘅和牛油香，冬天食幾唔錯。另外個小食，其實係用和牛片包住慢煮茄子，再加上照燒醬汁，入口即溶，超級好食。全部餐都好油，所以叫咗杯烏龍綠茶解油膩，杯茶有綠茶香之外，又有烏龍嘅回甘，作為茶飲之中都幾高質。