大滾友火鍋

Open Now

Now Closed

又來嚟到元朗打邊爐啦，今次要做大滾友🤣見到呢間好有中國打邊爐嘅特色，所以入去食下啦！環境好有古代、宮廷御膳嘅感覺，環境令人舒服，亦都好啱打卡。餐牌menu勁多選擇，餐廳都推介好多，樣樣都好想食。特色トト蜆鍋 $198呢度嘅服務好好，一坐低侍應就會比醬油我哋揀，又會幫我哋安排咗湯底先，俾我哋有時間慢慢點餸食。極多卜卜蜆，好鮮甜，無沙。蜆嘅鮮甜都溶入哂落個湯底，面頭有少量的辣椒粒，帶微辣，$198黎講性價比好高。鵝肝墨魚丸 $98內有粒粒墨魚，爽口彈牙，大大粒，中間有鵝肝粒，入口熔化，推介。油麥菜 $38打邊爐嘆少得蔬菜類，份量夠哂二人食，新鮮蔬菜。花雕醉雞 $78新鮮醉雞，好夠醉香。煮熟左之後仍然帶陣陣醉香，醉雞肉質嫩滑。酒香花雕浸牛展 $118牛味香濃，帶陣陣酒香，咬落有嚼勁。肉偏瘦，唔洗下下都食肥肉 。黑松露蟹肉餃(四粒) $78皮薄餡多，勁多蟹肉，爆哂餡咁濟，食落有黑松露味，一定要試！總括而言，有特色嘅中式火鍋店，個爐都用北京食涮羊肉果款涮鍋，打卡之餘，味道亦佳。