三多 (Closed)

差不多兩年前同朋友踩單車，當時佢地都話要去食，個陣食完都真係幾好食，但當時並冇寫到食評。今次趁假期冇乜野做，決定踩單車再走入去食三多。假期多人唔洗再講，仲要而家有限制令，自然需要少少時間去等位，但唔緊要，大家可以望下文宣或者同朋友吹下水等下，鋪頭出面有櫈坐的。三多炸雞脾 - $30咁我就叫左小辣，但唔係好食得辣既最好叫bb辣，出黎個陣新鮮滾熱辣，因為炸雞脾，脆當然就好正常，內裡多汁肉嫩，食落真係幾過癮。白牛 - $28白牛即係忌廉加雲呢拿雪糕，忌廉大家有飲開都知係刺喉架嘛，如果你將雪糕攪一攪會中和左個刺喉感覺，而且飲落去仲帶甜味，兩者溝埋味道係幾夾架，推薦大家食去試。對我黎講依d只係岩岩飽肚，但下午茶唔洗食到咁飽。雖然價錢有d貴，但作為一間黃店而且味道都幾好，大家可以去支持下。