雲香園小鍋米線

Open Now

Now Closed

👍🏼尖沙咀漆咸圍係我經常去嘅地方，因為嗰條巷仔有一間酒吧，我經常都會去，所以非常之熟路，我去酒吧之前去咗呢一間 #雲香園小鍋米線 食咗個 #熱拌米線，覺得非常之好食！非常之多選擇，而 #熱拌米線 我最鍾意係夠多汁撈落去，唔會乾爭爭，辣到亦都好多選擇，因為喉嚨有啲唔舒服，所以叫咗個少少辣，下次一定叫佢勁辣嘅再試多次！醬汁已經好夠味？！手打牛肉丸非常彈牙，魚腐亦都好彈牙而且唔腥，生菜夠新鮮，腩肉亦都好夠味撈糯米線非常惹味，雞絲份量都好多，勁大碗，食到飽飽！再加埋熱菊花蜜滋潤一番！滿足嘅一餐米線！下次真係要食吓個湯底，見到隔籬枱個湯底非常之濃郁！👍🏼另外仲有最出名係老細用六個小時熬製嘅湯底，同埋親身學沖奶茶，仲有其他小食㗎，雞翼呀！皮蛋啊！豬頸肉啊！墨魚頭啊！呢啲亦都係我想試嘅嘢！下次一定叫埋friend一齊食！🥹📱二維碼落單非常方便