Video
Read full review
2013-11-29
100 views
大家聽到和幸,只會想起日式燒肉仲有KISSKISS吧?原來,店方巳靜靜地起革命,在尖沙咀店設立日式串燒.當日行政總廚昌哥全晚助陣,陪我們幾位女士吃到11點,力抗其他店的客人狂催,真的十分賞臉呢!真的要多謝師姐給我們今次的機會..都係果句,識人好過識字!咁,賞臉,係咪等於好食先?!我的結論是,今次的體驗,係食完之後,我會打算和阻住再來吃一次的!!因為實在太太太太太正了!三隻字-堅好味!我一邊食,一邊覺得好內疚,因為阻住無得食..…(真的)食串燒通常會熱氣少少,食呢D蔬菜打左底先..加甜麵豉醬,清新.炸小池魚-送秋味KIRIN一流,入邊亦唔乾,好特別的前菜!第二個更特別,大家估下是什麼?就是炸牛蒡了!上邊塗了黑糖,牛蒡香炸到脆卜卜,好盞鬼!食完這三個小食,我對今晚呢餐,信心大增,期望倍升!果然,高潮真的一浪接一浪…首先來的就是好特別的..豚肉露筍卷!車!!!!!咪掟雞蛋住!有幾特別呀? 豚肉露筍卷?!!OK,你聽埋先再諗下要唔要浪費隻雞蛋掟我..你望真D…呢個豚肉,係超薄架!咁超薄咪好唔抵?唉,你唔好用C9心態先得架,大,有時都可以無當..呢支寸燒奇趣的地方是,一般坊間都是用大大片的煙肉,
KISS吧?
原來,店方巳靜靜地起革命,在尖沙咀店設立日式串燒.當日行政總廚昌哥全晚助陣,陪我們幾位女士吃到11點,力抗其他店的客人狂催,真的十分賞臉呢!
真的要多謝師姐給我們今次的機會..
都係果句,識人好過識字!
咁,賞臉,係咪等於好食先?!
我的結論是,今次的體驗,係食完之後,我會打算和阻住再來吃一次的!!
因為實在太太太太太正了!
三隻字-堅好味!
我一邊食,一邊覺得好內疚,因為阻住無得食..…(真的)
食串燒通常會熱氣少少,食呢D蔬菜打左底先..加甜麵豉醬,清新.
炸小池魚-送秋味KIRIN一流,入邊亦唔乾,好特別的前菜!
第二個更特別,大家估下是什麼?
就是炸牛蒡了!上邊塗了黑糖,牛蒡香炸到脆卜卜,好盞鬼!食完這三個小食,我對今晚呢餐,信心大增,期望倍升!果然,高潮真的一浪接一浪…
首先來的就是好特別的..豚肉露筍卷!
車!!!!!咪掟雞蛋住!
有幾特別呀? 豚肉露筍卷?!!OK,你聽埋先再諗下要唔要浪費隻雞蛋掟我..
你望真D…呢個豚肉,係超薄架!
咁超薄咪好唔抵?
唉,你唔好用C9心態先得架,大,有時都可以無當..
呢支寸燒奇趣的地方是,一般坊間都是用大大片的煙肉,你只是吃到咸味, 露筍變了配角.但這個串燒,它的薄薄的腩肉少少咸,鄧襯住露筍的鮮甜,終於比露筍做返次主角!
簡直係星夢傳奇的串燒版本呀..
食完呢味,我的期望繼續颷升……
汁燒豆腐 - 用絹豆腐先炸後燒,個汁甜甜地,內裏有豆香,不錯啦!但又未算驚為天人..點知..好戲在後頭…
主角出場了..鮑魚釀雞翼 - 聽個名好有趣,RITGH? 但對不起,通常呢D有趣既野,都唔多好味..
見昌哥個樣陰陰咀笑…胸有成竹咁款..果然..首先,佢個雞翼燒得剛好,入邊還是很嫩,外邊有點脆..而裏邊的鮑魚濕潤得很,原來是先用清酒煮到腍,十分入味..
第一次知道,原來鮑魚同雞翼,係可以咁好朋友架!!!!
呢個組合叫做:好味到無朋友!雖然價錢要$48串,但以佢既創意同味道,真係超值!
雞皮紫蘇葉蝦卷 - 蝦肉用一層超薄雞皮包住,同紫蘇葉的香味十分配合,$58/2串,雖然隻蝦唔係大蝦,但蝦味夠,而三者味道好夾,不錯.
豚肉芝士年糕 – 芝士同年糕本身就係好索味又好夾味既朋友, 燒時融融地,加入了豬肉既油香,軟綿綿咁,好味.
牛舌明太子卷 ($44/2串)- 呢個亦都係”首創”既..講真,發明到一款好好明既我巳經覺得好勁..點知..呢款又係另一個高潮!昌哥解釋,先選取牛舌中間位片薄,再包住明太子燒,明太子有點濕濕地又辣辣地既咸香
食到呢度,我真係覺得好對老公唔住(無同佢黎)!!!
同場朋友想吃雞肝,我就一向唔多好,好難評論..其實食到呢度我巳經飽左大大半..點知..昌哥竟然好過份咁點左…汁燒鰻魚 !我係鰻魚怪黎架麻!!!
仲要好厚肉..完全無酸味,又JUICY,皮又厚,又燒得香!!!但呢串野價錢都唔平,要$108!不過大家如果有去街巿買餸的都知,現在的鱔仲貴過金..昌哥話,因為中國的鱔被日本仔搶到貴晒喎..唉..但真係好好味..點解呢個世界會有D咁好味既野..邊食邊想流淚..
鴨舌 – 大路貨,但燒得很脆,送酒一絕.
朝鮮醬魷魚鬚 –唔會太乾,保留到肉汁其實係串燒的功架所在..呢個師傳,實在做到!
天婦羅蝦飯團 / 軟殼蟹飯團 –比較創新,燒得好脆下,但我唔太欣賞呢個飯團,因為外同內都硬..個人比較鍾意食三角型個種..最好入邊有明太子,一乾一濕先係我既首選..
盛岡冷麵 –巳經飽到想喊…仲來個冷麵.
但佢又真係好好味,
冷麵是我最LIKE的彈牙TYPE,個汁又酸酸地,仲加隻滑滑的温泉蛋,當你熱完一輪食到佢,真係冷情與熱情之間的好選擇..
大家可以留意下,店舖還設有宵夜時段,逢星期一至四,晚上十點至凌晨兩點會有些串燒做7折優惠!(但我睇過無樓上個兩款首創寸燒)呢度的環境好啱斯文的客人來傾下計,邊飲酒邊食..而且好多房間,仲好大添..係入邊跳舞都得..(講笑啫..好似冷左D個笑話…)
席間和昌哥傾計,講起其實串燒個爐同師傳的手勢同樣重要,佢地就好落本係個爐度,要夠火喉,淨係個爐都幾萬蚊..大家就明(其實可能得我唔明),點解串燒要收咁貴.同自己BBQ有咩唔同..
要快D安排同老公黎食先得..免得我繼續內疚..
Post
