百利火鍋海鮮酒家 (Moved) New Location

食過百利好多次，亦都食左好多年，裝修完梗系要特登返去食啦。百利火鍋走親民貼地路線，食物新鮮又有特式，訂價又唔貴，火鍋湯底多選擇，海底狗鍋底夠特別，有啲鍋甚至要一至兩日前訂 ，啲魚夠厚身又彈牙，包你有驚喜。手切本地肥牛好夠牛味，魚腐係好味到會外賣的另外特別啲嘅前菜有鮮魚皮，次次要食兩碟。三文魚骨腩都係火鍋前必食嘅首選，香脆可口之餘裡面嘅魚腩係鮮味嫰滑，滲出肉汁加埋魚嘅膠質混埋一起，口感豐腴，佐酒一流。另外炸芋片同即炸支竹及即炸響玲超好食蝦滑，餃子，肥鵝腸全部推介。